關於人性列車，以前都有一套電影係係列車映射社會縮影，愈前頭既卡車就愈有財有勢，射得比呢套完整好多，呢套講少少人性，但唔算深刻。

喪屍片黎講，恐怖感一般般，見到D喪屍扭骨笑到GAP GAP聲

最令我睇到好不爽既位係D人面對災難既反應，嚇到呆左，然後總會有條友叫仲唔走? 好似魔鬼屍餐個種睇到你好煩厭既感覺。

落車個度好唔合常理，發生咁既情況，見到月台冇晒人，都應該知出左事，冇派少少人去探路，成班人一齊慢慢行出去都有。

車長煽動人去排斥衝過屍群既人，其實車上成班人冇一個可以話100%無受到感染，個個都走過出去，邊個受過襲擊返返入黎邊個知? 人人自危既情況下走去隔離人地，自己都唔好得去邊就指住人黎話，我諗好多人都係咁。

換列車個陣，個大肚婆跑得快過喪屍，又係好唔合理。

仲有好多唔多合理既地方廢事講，太煩複同鎖碎，總括黎講，唔算好好睇，其實麻麻地，靠生離死別煽情。除左喪屍骨格精奇特別少少之外，都冇乜特別。到最後我以為真係會射殺埋last個三件，射死埋就真係GOOD，可惜最後劇情要行大路方向唔比細蚊仔同婦孺死，呢度有D可惜。

最後想講，我個人喜好最like大肚婆呢type，約30左右成熟得黎唔算老，好吸引