話說琴日小編同大家分享咗一份小五嘅英文功課，難到媽咪嗌曬救命，紛紛投降表示已經跟唔上小學程度，原來我錯了，我地係連幼稚園程度都追唔上！

【網絡熱話】幼稚園功課程度直逼昔日A-level


呢一份係馬鞍山綠茵英文幼稚園嘅工作紙，有網民笑稱程度直逼高考！我唔理佢係派比K1定K3啦，一睇完個內容，我嘅表情同下面隻樹熊一模一樣，「o曬嘴」。



雖然我都知香港地好多家長都想仔女將來唔係做大律師就醫生，但係都要循序漸進！你要個小朋友去了解咩叫X-ray machine會唔會言之尚早，d手腳關節位大人都未必識英文係咩！

其實小編認為呢份功課對家長嚟講唔算難做，話曬下面都有選項，但對小朋友嚟講就唔係，仲會引發一連串問題！假如小朋友問返家長X-ray machine係咩Reb-blood cells、White blood cells又係咩，真係R爆頭都唔識答，而更重要嘅係，佢地最多都係3歲至6歲嘅小朋友，洗唔洗啊！

有時真係覺得社會已經開始走火入魔，總總過火行為只會磨滅小朋友學習興趣，後果不堪設想。

有時間不妨睇埋呢份小五功課，一樣會令你「Ｏ曬嘴」：http://bit.ly/2dadrxq

圖片：網絡截圖

https://hk.news.yahoo.com/網絡熱話-幼稚園功課程度直逼昔日a-level-082025833.html