媽媽group瘋傳中 ViuTV真人騷全職媽媽拋夫棄子去旅行

ViuTV真人騷向來貼地，最近佢地又計劃開拍真人騷啦！今次節目希望可以招募全職媽媽到香港及海外拍攝10集<<全職媽媽放大假>> (暫名) ，有指計劃喺下年1月播出。呢個真人騷顧名思義係要媽媽拋夫棄子去足7日旅行，紀錄依7日媽媽身邊發生嘅人和事。而爸爸就會同年輕未婚保母(例如: SUPER GIRL丶蘇麗珊等等) 一齊處理家中事務及照顧BB等，體驗下老婆平時有幾辛苦。

ViuTV現正接受全職媽媽嘅查詢及報名參加，由於全職媽媽係一份有返工無放工、要24小時隨時候命嘅工作，所以一班全職媽媽聽到放大假三個字已經失控，節目資料已經喺媽媽group瘋傳，引起唔少媽媽熱烈討論。