有網民在facebook專頁「香港公路奇觀」，上載一段私家車在停車場拍卡後，女司機竟然入後波狂撼後方客貨車的影片。該片段為客貨車的車cam片，碰撞一刻，私家車車尾窗玻璃碎裂，猶如經常發生撞車場面的電玩遊戲《GTA》驚險畫面。有網民更留言指出該女司機「部車係借返黎」，並附上相片。

該段「香港公路奇觀」影片顯示，9月25日傍晚約6時多，一輛黑色本田Jazz私家車駛至停車場入閘機前停下，該路段微斜，私家車和入閘機明顯有一段距離。女司機下車拍卡，拍卡後理應向前駛入停車場，不過懷疑因入錯後波，私家車反而先向後移動半米，再加速向後倒撼客貨車，私家車車尾窗玻璃全碎，客貨車車頭滿是玻璃碎片。有人留言指出，事發地點為慈雲山慈正邨停車場，而從旁觀者的相片可見，兩車司機其後下車交涉。

片段被網民瘋傳，有人認為司機要「落車泊(拍)卡」，已經大有問題，有人質疑司機「點攞到個牌？」有網言笑言「原來起步入閘要助跑㗎！失覺哂」。

有網民即時「回帶」翻查一段去年4月拍攝的衝紅燈影片，質疑當時衝紅燈的車輛就是今次後波亂撞事件的私家車，不過由於畫質差難以準確對比，亦未知當時駕駛者是否同一人士。

【網民咁講】
Ah Leung Chan：唔好再借車比佢，隨時會害死人架！
Wai Lok Yiu：自動波都搞成甘，棍波咪開唔到車？？
Kafu Xwq：CAM主己經好識做有成大半個車位都要中招！
Ming Wong：啲玻璃聲好清脆
Kam Sing Cheung：離曬普，個牌買返來，如後面有人或電單車真係比佢害死
Elie Chu：應該係拉左hand brake，踏油唔去，心急，再入錯後波再踏大油門


(有片)
http://video.appledaily.com.hk/mcp/encode/2016/09/29/3170503/20160929_news_02_new_w.mp4