清邁機場懷疑有炸彈 點知拆彈專家嚟到先發現原來係震蛋



噚日，泰國清邁機場嘅工作人員喺登機通道檢查行李嘅時候，發現一個綠色背囊入面有樣不知名物體喺度係咁震，仲發出啲奇L怪怪嘅聲……咦，唔通入面有炸彈？於是，工作人員就即刻叫專家嚟睇下咩料。



拆彈專家一嚟到，當然小心翼翼咁打開個背囊啦……點知最後發現，彈就係「彈」，不過係震蛋嗰個「蛋」呀！



原來個背囊係咁震同發出怪聲笨唔係因為有炸彈，只係粒情趣震蛋喺行李搬運途中唔小心掂到個開關掣啫……真係隔住個mon都feel到個拆彈專家拎住個銀色震蛋有幾咁無奈！喂，大家試下將部電腦／手機擺去耳仔附近，睇下聽唔聽到個拆彈專家唱緊「我突然無言靜了下去細心把你望～」？



btw，雖然今次就食詐糊，但諗深一層，虛驚一場都好過堅發現有炸彈吖～所以，謹慎啲都係啱嘅！

http://www.tvmost.com.hk/201609291952_article_egg