https://martinoei.com/?p=8299

中國建築 雖然喺網頁度列明自己起緊乜樓，只不過， 中國建築 通常用個地盤名嚟列佢地自己嘅「豐功偉績」，例如乜嘢沙咀道居屋，啟德1A等等，阿水知道果度實際喺邊度，根本係阻住公眾翻查紀錄。

所以我專登對番晒所有紀錄，大家可以喺呢度查番，你自己住緊嘅地方，係咪 中國建築 嘅產品，再決定搵唔搵人驗驗建築質量同結構。

後話：表上有海關宿舍同警察宿舍，作為紀律部隊人員，你敢唔敢住落去，你地自己決定，只不過，如果你平日政治立場係勁親中國，勁親政府，有啲嘢係叫「現眼報」，依家你仲有命可以驗樓，已經係不幸中嘅大幸，社會公義問題，係每一個人嘅責任，因為你唔知幾時你自己係受害者，唔好以為自己唔係受害者，就乜嘢唔關你事至得架，唔通唔見棺材唔見眼淚。鉛水可以換水管，可以用濾水器，石屎出問題，好大機會要拆樓。

中國建築 涉及大量供水同鐵路基建 太牙煙

唔少讀者都相當擔心， 中國建築 參與好多基建，會危及市民嘅安全。小弟有見及此，清查咗 中國建築 涉及嘅政府基建工程，一清查起嚟，都好得人驚吓。




呢個表真係令人心都寒：

1. 一個搞出鉛水大禍嘅 中國建築 ，竟然係多條主要供水管嘅建造商，香港市民唔驚就奇。

2. 中國建築 喺中國高鐵香港段工程扮演重要角色，咁究竟安唔安全

3. 更大鑊係，中環灣仔繞道、沙中線等重大工程，依家都係俾 中國建築 做，基本上，就算你唔住 中國建築 起嘅樓，香港人都要有食驚風散嘅心理準備。

而政府除咗設法淡化事件，乜都唔做，請問香港人係唔係要日日都怕有朝一天衰喺豆腐渣工程手上？有時候，豆腐渣工程都係港獨嘅催化劑。

我真係好想知，依家香港人可以點解避過 中國建築嘅地雷陣。