作品係講男主角喺一個已經封鎖廢棄嘅都市同天象廳介紹員嘅機械人女主角相遇嘅故事。
全五話，總時間八十幾分鐘，大概係一般電影最短嘅長度。

小野大輔「 俺たちの好きなKEYがここにある。 」（我哋鐘意嘅KEY(作品)就喺呢度。）

睇完之後我係百分百認同呢句，其實第一話已經完全感受到。KEY作品係有能力將觀眾/玩家融入作品嘅世界觀，連結到角色嘅感情，而planetarian係完全做到呢點。

衷心感受到動畫製作團隊嘅愛，從來只有京アニ做到、做過嘅事，david production毫不遜色咁做到出黎。

我冇睇過原作，亦為咗唔好劇透自己而冇睇過任何情報以至介紹，不過由最初一話開始，差唔多每一話都有流淚。喺我記憶之中，自從CLANNAD AFTER STOPY以黎，未試過睇動畫係流淚流得咁激動，最後end roll有少少失控。冇乜人會去到我咁異常，不過只要投入足夠感情，睇到最後都會感動到。

https://www.youtube.com/watch?v=LuJ7QSMJwv0

文內我會叫女主角 ほしの ゆめみ做ゆめみ，男主角照叫返屑屋。

先講有流淚嘅原因，我諗好多位得我先會喊。 因為ゆめみ純真得實在太清澈，出污泥而不染。對工作嘅熱誠、對同伴(同事)嘅信任、對人類嘅無私、對星空嘅愛，無造作嘅舉動同表情，超越無機質嘅情感同語調，全部都刺激到我嘅淚腺。

[#ff0011]※以下感想含劇透[/#ff0011]

【ロボットの花束】
第一話，ゆめみ將屑屋當成第250萬名客人，喺呢度已經說明出ゆめみ有超越程序嘅思維。

屑屋「壊れているのか？」
ゆめみ「はい、少しだけ壊れています」

呢個伏線真係令我好佩服。ゆめみ答屑屋，自己有少少壞咗。ゆめみ提到自我判斷能力上出現咗BUG。結局之前我一直相信ゆめみ呢句，因為ゆめみ嘅言行真係好似有種確認唔到現狀嘅BUG。不過正因為咁諗，最後先會感心。

第一話令我流淚就係屑屋臨走前ゆめみ嘅舉措，簡直係混沌中嘅清泉，為天象廳、為客人、為人類去行動，笑容同精神嘅聲線背後流露一絲絲嘅寂寞、不捨。


【投影機修理】
ゆめみ「実は私にはロボットの神様にお願いしたいことがあります。」
屑屋「一体何を願うんだ？」
ゆめみ「はい、天国を・・・」

第二話提到機械人嘅神同ゆめみ嘅願望，亦係一大伏線。另外第二話仲有唔會發夢同埋唔會流淚呢啲伏線。

因為投影唔到而失望嘅表情、因為イエナさん(投影機)維修完畢而快樂嘅表情、因為一般情況唔會畀客人見到嘅裝置而害羞嘅表情、對流淚嘅感覺嘅好奇同憧憬，ゆめみ真係相當可愛，令人憐憫。


【ゆめみの投影】
因為好耐未去過天象廳，第三話ゆめみ嘅天象介紹真係有種極度懷念嘅感覺。ゆめみちゃん嘅投入、享受、熱情同舞動，吸引力亦唔比投影出黎嘅星空遜色。

停電之後，睇到男主角溫柔嘅對應我都好感動。
ゆめみ嘅一人劇場開始之後，因為ゆめみ嘅聲線，加上故事嘅內容，強烈刺激到淚腺。

ゆめみ「どうか皆さん、ここで見た星空を忘れないでください。あなたが暗闇に迷い、本当の星空が見えなくなってしまったとき、そっと思い出してみてください。それが小さな私の夢です。」

好有親和力，直情有貫通心臟嘅感覺。
最後ゆめみちゃん決定要陪屑屋出去，無論係出於對屑屋嘅親切，定係出於潛意識嘅寂寞，都好觸動。

屑屋「正気か？」
ゆめみ「いいえ、少しだけ壊れています。」

ゆめみ用自己有少少壞咗去解釋自己嘅行動，因為ゆめみ嘅行動已經超越咗設定嘅範圍，完全由自己嘅感情去驅動，但係ゆめみちゃん無法用其他理由去解釋自己受情感影響嘅判斷。

https://www.youtube.com/watch?v=2x-TD7Bz3VE
Twinkle Starlight / 佐咲紗花[/size=1]

【酒に酔う】
花束，的確任何人對呢堆爛鐵都會睇成係廢物，但係對於ゆめみ黎講，係為咗贈送畀接近３０年以黎唯一光臨天象廳嘅客人而全心全意造出黎嘅慶祝禮物。只要稍為帶入吓感情，花束就真係花束。禮物嘅意義本來就係由「人」附上嘅，無啦啦畀束花你事實上都係同垃圾無異，但係ゆめみ投入感情造出黎嘅「花束」喺呢一刻比起普通一束花更珍貴。

屑屋「そういえばお前が何を願うかはまだ聞いてなかったな？」
ゆめみ「天国を…天国を２つに分けないでください。私はロボットの神様にそうお願いしたいです。天国の門が人間とロボットに分かれていたら、私はとても困ってしまいます。私は天国に行っても、人間の皆さまのお役に立ちたいです。」

ゆめみ嘅願望，就算去到天國都想繼續為人服務，可以嘅話，希望兩個天國唔好分開。呢個位一樣係好刺激到淚腺。呢個就係ゆめみ純樸真誠嘅情感。

屑屋喺第四話後半將周圍現狀同現實講出黎，希望帶ゆめみ走。ゆめみ嘅反應反映出內心嘅迷茫同掙扎。


【ゆめみの願い】
最終回嘅聲音演出特別出色。不論係靜音、雨聲同ゆめみちゃん嘅機械聲線都如是。

為咗保護人類而挺身而出嘅ゆめみちゃん。ゆめみ係冇軍用機械人呢類知識，對ゆめみ黎講，保護人類先係機械人嘅天職，係唔可以打破嘅約定，係令ゆめみ感到自豪嘅事。

ゆめみ充滿無限善意嘅一言一語只要細味都好難制止淚水流出黎。機械人係為人類幸福而造出黎，「佢」都一定只係有故障，「佢」內心都唔想攻擊人類。

為他人嘅笑容而存在嘅ゆめみちゃん，因為他人嘅笑容而滿足快樂嘅ゆめみちゃん。
記憶中嘅世界係幾咁美好。「お客様の笑顔が一番大切です。」對ゆめみちゃん黎講，客人嘅笑容無比重要。

「お客様がいらっしゃるまで、私は何度も考えました。」
「館長さんやスタッフの皆さんはいつ戻ってくるんだろう。次のお客様はいついらっしゃるんだろう。」
「すると、いつも同じ結論が出ます。人間の皆さまはもう戻ってこないという結論です。」

ゆめみちゃん佢一直都有思考，究竟館長館員幾時會返黎，究竟下一位客人幾時會光臨。只要稍為確認狀況，毫無疑問，都會得出一個結論：人類唔會再返黎。但係人類係ゆめみ嘅存在理由，要接受呢個結論係幾咁艱辛嘅一件事，只有ゆめみちゃん先知道。

ゆめみちゃん選擇相信呢個結論係出自自已未知嘅損壞。「きっと私は壊れているのだと考えました。」ゆめみちゃん由始至終都相信人類，相信呢個世界，甚至透過否定機械程式嘅判斷去感情用事。

「お客様がいらっしゃったとき、私は本当に嬉しかったです。」
「やっぱり私は間違っていたんだ。お客様は私のことを忘れてはいなかったんだと、そう考えて本当に嬉しかったです。」

孤單等咗近３０年，終於出現嘅客人，令ゆめみちゃん好高興。ゆめみちゃん因為自己嘅「出錯」而開心。
不過事實係殘酷嘅。ゆめみちゃん終於明白壞咗嘅係呢個城市、呢個世界。

屑屋嘅謊言。 「それはまるで、天国のようですね。」 「神様どうか、お願いです。」」ゆめみちゃん究竟聽得出幾多呢。

「私は廉価版なので涙を流せないのですが、もしも機能が搭載されていたら、きっと、泣いていると思います。涙が止まらないと思います。
「私はとてもうれしいのに。幸せな気持ちで、いっぱいなのに。どうしてでしょう。 」

ゆめみちゃん雖然冇流淚嘅機能，但係呢一刻ゆめみちゃん的確係流緊淚。ゆめみ嘅感情已經遠遠超越咗預設嘅部分。

「プラネタリウムはいかがでしょう。どんな時も…決して…消える…ことの…ない。美しい…」
ゆめみちゃん・・・・・・

https://www.youtube.com/watch?v=KVKS36LBwDc
星めぐりの歌 / MELL[/size=1]

「違う、俺は…星屋だ。」
男主角雖然生長嘅呢個亂局嘅世界，但係都保存一顆摯真嘅心。因為係ゆめみ，因為係屑屋，呢個故事先會成立。

SF機械人世界觀之中可謂最原始嘅故事、最原始嘅展開、最原始嘅結局。planetarian將整個故事描繪得好簡潔同清晰，一下子就融入咗作品嘅世界觀。打呢篇感想都搞到我好似瀑布咁，感情上有其他作品無法相比嘅滲透力。

整部作品嘅精粹，就如我第五話感想之內所講，已經破壞嘅係世界，但係ゆめみちゃん情願相信自己壞咗，都對人類嘅歸來抱持希望。楚楚可憐，完全超越咗機械人嘅理性思維，見住都想走入去拯救ゆめみちゃん。

第三話ゆめみ劇場，講現實世界各種各樣發生緊嘅問題，但係ゆめみ由心底相信住人類總有一日會解決到，然後走向更美好嘅一日。ゆめみちゃん嘅純真，叫人點樣唔動心呢。

NEXT
https://www.youtube.com/watch?v=I2u_ZOS00uI