隔牆有耳：
過來人　送月餅助露宿者

露宿過來人寄月餅券畀明哥，物輕情義重。

八方前日寫過，深水埗愛心飯堂老闆明哥今個中秋收集大家多出嘅月餅券，諗住同平等分享運動義工落區送暖。原來香港好多人都好有愛心㗎，明哥近日收信收到手軟，唔少有心人寄來月餅券，各大品牌都有。其中一位善心人，更加值得表揚。雖然呢個信封內，只係得一張月餅券，但係就特別物輕情義重。
點解咁講？皆因信封內，只簡單寫上六個字，但係就令人讀到一字一淚，覺得相當感動。究竟內裏寫咗乜嘢？就係「露宿過來人寄」呢幾個字。曾經遇過困境，其實並唔緊要，最重要係跌低咗，識得起番身，重新振作之餘，仲記得用過來人身份，支持一下落難人士，呢種心意，真係相當可貴！

http://hk.apple.nextmedia.com/news/art/20130912/18419596