如果為慳錢，唔見了一條車匙又冇去配，最後搞到兩條車匙都冇埋，咁又點算好？各位車主又唔使擔心，其實只要提供車身底盤號碼，很多品牌代理同樣可以從車廠訂購車匙。車廠中央電腦已經有齊數據，包括Keyless車匙的晶片數據及後備匙的形狀，而車匙售價亦相同，配匙步驟亦大致相若。大部份代理的維修技術人員亦有辦法幫車主註銷舊車匙的功能，所以各位車主最好就避免配街外匙了，皆因代理沒有街外匙的數據，好難註銷。


Tesla app除了可以監察電量，還可操控全車各功能。


其中一頁介面更能夠開門鎖車及啟動汽車。



Audi車主均會有一條後備膠匙，用來緊急時打開車門。

再者，各車廠的步驟亦會稍稍不同，例如Ferrari就要多一個手續，就是要先報警取報案紙才可向原廠申領配匙。Volkswagen就要將車拖回維修中心，用電腦讀取車身電腦編碼，再向德國車廠補購車匙。若然有情況急需打開車門，大部份維修中心都表明除了打破玻璃窗也沒有其他辦法，不過保時捷維修中心的技術人員就指他們有辦法無損車身地用工具打開車門。另外，較為有趣的，是Audi，車主除了有兩條基本Keyless車匙外，更會有一條後備膠匙，方便緊急情況下用來打開車門。

不過相信可以最老定的，一定是Tesla車主，因為可以透過Tesla app開門鎖門，甚至着車，用電話喺身就可以揸車。不知道是否正因如此，Tesla車匙出奇地便宜，以Model S為例，補購車匙只需$1,400。

記者：許維雅

source : http://hk.apple.nextmedia.com/
+++++++++++++++++++++++++++++++++++++++++++++++++++++++++++++++++
唔講唔知