昨日星期日大約上午10點，我有事要由新蒲崗六合街去何文田，搭咗50蚊的士。
再由何文田回去去新蒲崗六合街，當時大約中午12點，事情就發生係回程上。
咁我就係何文田上咗個的士。
上到去，我話：新蒲崗六合街有個六合工業大厦。
司機就話：我唔係咁識路，轉邊條路同我講聲。我係替更黎，過下日晨。
我就話：你揸主意啦，我唔識路嫁。
(細看之下，原來司機係阿伯。。。仲要係好Q老果隻)
阿伯跟住吹水：係屋企一個人對住三間房，出黎揸下車玩下囉，我無乜所謂車費隨意啦。
我話：咁又唔好，車費一定要俾。
阿伯：我唔同其他司機，我真係志在玩下，隨意啦。我唔會好似其他司機出古惑招。
我話：咁又係，有D的士司機就係好衰，夜晚落車唔開燈博你攞錯大紙或留低個人財物係車。
阿伯：係呀，我其實唔係靠黎揾食，日日對住三間房，老婆死咗囉，啲仔女大學讀完出曬身，依家過下日晨。
(屌你...有三間房)
我話：你就好啦有三間房。
阿伯：以前退休前我車房賣車，萬一蚊月薪，啲車百幾萬一架。
(屌你，萬一加佣金怪唔得咁有米)
阿伯：我今年87啦。
(我臉都青埋。。。87。你退休咪成三十年前。萬一加佣金，三十年前銀紙咁撚好洗。啲樓百幾萬已經好大。)
阿伯：當時退休，同老婆去歐洲旅行玩咗3年。跟住老婆有病走咗。
我話：哎，有時講唔埋(心諗玩三年咁happy.....有米)
阿伯：其實做人唔好咁多埋怨，知足就好開心。
我話：係呀 (屌你咩，依家點同以前比，以前D人只要肯做肯捱，都上到車生活到，宜家？)
阿伯：我老豆後生時好勁，讀XSDFSFDS (講咗堆英文,我讀書少聽唔明)。
我話：嘩以前黎講好勁，好少人有機會讀書，小學畢業都好勁。
(車在太子道)
阿伯：上天橋行定下面。
我話：你揸主意啦，我真係唔識。
(跟住就在分叉路前慢駛下來，我屌你咩，我唔想死)
我就話：下面啦下面啦。
(入到新蒲崗)
阿伯：你想去邊話？
我話：六合街。
阿伯：大友街我就識，邊到六合街？
我話：我自己無揸車唔知點講你知。總知工廠區我就認到路。
阿伯：有工廠區？
我話：新蒲崗有工廠區，你係老香港應該知掛。
(阿伯跟住又high high地)
阿伯：以前呢到麗都戲院，果度以前乜乜。六合街你識唔識，指俾我睇下。
我話：總知入到工廠區就得。
(屌！中伏，見到有啲工厦)
我話：果邊有，轉過去就ok。
(阿伯根住突然回魂)
阿伯：哦，大有街轉過去就六合街啦。
(屌你咩，真唔識定假唔識呀，算啦，應該係太大年紀唔記得咁多)
何伯：車費隨意啦。
(停車車表49.5)
我話：50啦。。。。身體健康，88