已經33歲嘅深田恭子，今年推出嘅兩本寫真集《AKUA》、《This is Me》，分別主打女性同男性粉絲市場，仲特登開個Instagram吸粉絲，公開寫真集花絮相，估唔到反應非常熱烈，寫真集一度賣斷市之餘，Instagram更有過百萬人追隨，奠下女神地位！

見到成績咁好，下個月二號，即係佢34歲生日當天，會再推出全新寫真集《Reflection》！呢本新書同樣係由名攝影師ND CHOW操刀，而且打正旗號係《AKUA》同《This is Me》續篇，之前兩本寫真集未有輯錄嘅靚相，都會放晒落《Reflection》入面，呢日仲有寫真集嘅內容可以望下，見到深田恭子碧波蕩漾咁玩水，真係點睇都店唔到，佢已經三張幾嘢！

其實近幾年深田恭子都係一至兩年先推出一本寫真集，今年卻一如反常咁一年以內推出三本寫真集，令大家跌破眼鏡，不少人覺得係因為前兩本寫真集創下驚人銷量，先令佢決定加緊腳步，趁勢出多本嚟搵下錢。之旦係，今次《Reflection》只係「一雞三味」，銷量未必同前兩本一樣咁勁，所以出版商都只係以優惠價2160日圓發售，希望吸引多啲人買。
http://sina.com.hk/news/article/20161017/0/3/1/有相睇-玩一雞三味-深田恭子34歲生日出推第三本寫真-6416752.html?p=6