http://hk.apple.nextmedia.com/news/art/20140705/18788372
轉軚本非稀奇事，但「湯家驊式迴旋」，則不太尋常。例子如下：

《一國兩制白皮書》衝擊司法獨立，法律界上街抗議。湯家驊另有高見：「睇《白皮書》唔可以以偏概全。佢嘅訊息好簡單：中央收番香港，係咪有主權先？講呢樣嘢，係無可厚非。」他最初推說分身乏術，但最後還是在遊行隊伍中出現。

中共護法饒戈平專程南下，撐湯家驊的政改論壇，並拋出篩選方案，惹來場內廿多人發難。湯斥之為「暴民政治」，並向北大人鄭重道歉。「佢哋衝咗上來，謝偉俊最無辜，啲嘢被人掃晒落地。如果咁都唔算暴力，我嘅水平同你唔同囉。」

近日泛民罕有大團結，向東北發展計劃說不。湯家驊沒有走上主席台起哄，留在座位乖乖㩒掣：「開親會就拉布。瑪麗重建講咗十年，都唔知幾時先過到。」他對「暴力」的尺度，比吳亮星更嚴謹。但眼見泛民議員被抬走、強行表決等議會暴力，卻沒有仗義執言。

陰陽怪氣背後，有何動機？Google「湯家驊」，「衰十一」便緊隨其後。湯大狀不解，問：「咩叫衰十一？」得知答案後，他一臉不屑，繼而靜默。有傳他被掌握了黑材料，故言論受制於人，他否認：「金。」