生日快樂呀！古天樂！

你知唔知古天樂嘅生日願望係乜？好多人都聽住佢親口講：「我希望阿ViuTV個乞兒呢…」嘩，花生！

同上年一樣，容祖兒、吳君如、古巨基兩公婆、林峯等一眾好友，齊齊為古天樂慶祝生日。今年係古仔45歲，成班朋友戥佢高興之餘，一齊飲勝，最開心仲係，祖兒真係跟足上年咁，開埋fb live與眾同樂呀嘛！學《幕後玩家》其中一位玩家張繼聰話齋:「搞event當然要有gimmick，上到C1、facebook又洗到版，你就叻仔㗎喇！」今次掂喇！

條片內容都係不離大夥兒輪流同古天樂講生日快樂啦，上年唔肯出鏡嘅劉浩龍今次仲出埋鏡，片中各人明顯都有點醉。唱完《當年情》之後，吵吵鬧鬧一輪講下祝福語，劉浩龍仲祝福佢:「希望佢(20)18年嘅演唱會開得成啦！」

劉浩龍一講到演唱會，篤中咗古天樂個死穴(好似係)，此時古天樂爆出一句:「我希望阿ViuTV個乞兒呢…」全場嘩然，鏡頭本來影住醉醉地嘅古天樂傻笑，然後鏡頭pan向嘩嘩聲嘅眾人，畫面傳來古仔未完的祝福:「……係…飛黃騰達嘅!」友人即接口:「影壇必有巨變!」可惜之後鏡頭冇再點影古仔個尷尬樣…

究竟半醉古天樂呢句「我希望阿ViuTV個乞兒呢…係…飛黃騰達嘅!」，李澤楷可以點理解？
http://hk.apple.nextmedia.com/enews/realtime/20161021/55805066

本身有牙齒印