無之前兩套咁好睇
雖然之前一套angel and demon 都麻麻地

故事開頭講魔王俾黑人追殺之後自殺死左，然後就講男主無情情失憶，去左女魔王間醫院，跟住男主俾神秘公司嘅人(殺手)追殺，跟住男主同女魔王著草嗰陣發現左啲奇怪野，再知道自己點解俾人追殺，再發現魔王嘅目的係播毒，咁喺著草期間就有三方嘅人追住男主，世衛，黑人(都係世衛，不過係奸嘅)，同埋神秘公司。

跟住劇情一轉就去左神秘公司
殺手報告返俾神秘公司知，自己衰左，帶唔返男主返黎，神秘公司老闆就叫佢直接殺左佢就得

之後神秘公司手下A就話佢個客(魔王)重有啲片俾佢睇，咁老闆就睇左段片，然後就話玩大左，要處理

之後就講三幫人追殺男主同女魔王，兩個一邊俾人追殺一邊解謎，咁主角威能之下就梗係又走得甩，期間重殺埋殺手，但點知就俾黑人追到，黑人就講佢係忠嘅，世衛係奸嘅，咁又呃到男主，同佢一齊搵啲毒

跟手世衛同神秘公司就相遇，同埋兩幫人有共同目的，跟住就合作一齊追男主。

去返男主同女魔條線，咁搵毒期間，男主有返啲記憶，知道黑人原來講大話，咁就用計謀避開左黑人，跟住男主女魔以為自己去到目的地，點知估錯左，真正目的地係喺另一道，咁女魔就賣甩男主，再講佢知佢係女魔王。

男主好絕望咁俾黑人追到 (但之前男主不停同女魔王講，唔關你事，你可以走，到女魔真係走，又叫晒救命)
咁劇情男主就一定無事，黑人捉左佢去問啲毒喺邊，問問下黑人就俾神秘公司老闆殺左，老闆就同佢交代來龍去脈，就話決定幫佢同世衛手阻止播毒

女魔王去到目的地搵左魔王手下，相認之後再搵最後播毒點
男主同世衛又好快咁搵到播毒點

咁喺嗰道就最終決戰
之後就梗係無事啦。

睇完之後就發現劇情有啲位就怪怪地唔多合理：

女魔王其實應該乜都唔駛做就得
因為魔王原來有兩個手下幫佢散播病毒
但問題係，世衛黑人開頭又話跟左魔王條線幾年，但就唔知個魔王有兩個手下

另外，魔王如果一早就講左要喺嗰日播毒，咁啲手下應該會知，咁要女魔王又要解謎又盛咁先搵到啲毒喺邊，再之後播到毒，成件事有點多鳩餘

嗰兩個手下一早自己去播毒咪得 (男主要去研究地點現場先知最後播毒點喺邊，但手下唔駛去都已經知，咁即係佢地一早就知道地點)

跟住，成套野都無提過有手下，女魔王等男主角解晒謎知道啲毒喺Istanbul 之後，佢就賣甩左男主，去到之後又唔知點解突然知道要去邊道搵魔王手下A，重識得用暗號同手下A相認，咁一早去搵佢地咪得。。。。

又返返去嗰點，如果女魔王一早知道魔王啲手下喺Istanbul
咁就唔好攪咁多野啦

你可以話，可能手下都唔知個plan係點，同啲毒放左喺邊，所以要女魔王搵佢地

咁其實都無問題，但魔王佢一早拍晒片話俾人知佢要喺某日播毒
即係佢已經預備好啦
無理由佢預告左又要等人咁啱解晒謎到嗰日先播毒咁戇鳩掛

咁其實是咪串緊啲好多公司都係預告自己啲產品幾時出，到時又點點點，但最後又係delay或者有問題呢。

另外神秘公司嗰段又怪怪地
神秘公司講到自己咁勁，點解最後係老闆落去幫手，而唔係叫佢旗下啲Agent做野，跟手重要俾魔王手下殺埋

如果你係因為Divine Comedy / Dante而睇
你會失望，因為成套野都同呢兩樣野都無關係咁滯，係出過下啲名，同埋介紹過少少野咁


利申：個人觀感。