| 發表文章 | 發起投票 |
中學生遇車禍集體遲到失勤學獎 學校拒認不近人情：應預留時間防突發事故
有當日遲到的學生拍到登記遲到的人龍排至學校外，陳同學估計連同老師有近300人遲到。(讀者提供圖片)[/size=2]
遇上交通意外遲到，是否情有可原？大埔孔教學院大成何郭佩珍中學有學生向《蘋果》投訴，指上月一宗交通意外導致區內大塞車，當日有近300名師生遲到。雖然學校豁免處罰，但堅持將遲到紀錄在案，令學生無法取得每學期「無遲到、無請假」的勤學50元現金獎，成績表內的出勤記錄都可能被「畫花」。校方回應稱，保留記錄是為了對無遲到的學生公平，強調學生應預留足夠時間應付上學途中的突發事故，若已盡早出門都遇上意外而遲到就只能認命「唔好彩」。
記者 賴莉娜
上月19日早上6點48分，一輛中型貨車駛至大埔海景山莊對開懷疑因天雨路滑「跣軚」撞向一架私家車後再翻側，意外令吐露港出九龍方向的交通嚴重擠塞，車龍更倒塞至大埔區內，車龍直至早上9點過後才陸續消化。就讀中六的陳同學（化名）稱，自己住得近學校當日未受意外影響，但班內有最少兩名跨區上學的同學因而遲到，有同學拍到當日登記遲到的人龍，「直頭遠到過咗屋邨仲排緊隊」。
雖然學校事後酌情免除遲到學生罰留堂，但校長梁秋雲月初明言會保留相關記錄，又指學生應預早出門以防有突發事故發生，令陳同學覺得學校決定不近人情，「如果係一、兩個人因為自己嘅事遲到被記名係好合理嘅事，但呢班學生係焗住遲到。」
該校副校長伍偉昌證實事件，稱校方認同涉事學生並非刻意遲到，故同意豁免處罰，但為了對無遲到的學生公平才決定保留有關遲到記錄，「佢哋的的確確係遲到咗一次，比起一啲同學全學期能夠準時返學、無請假嘅嚟講」，他否認學校做法不近人情，「我哋已經考慮咗情況，喺處分上容讓咗啲學生畀咗個酌情處理，但喺奬勵上我哋希望對全校學生都公平」。他指根據校規，學生每學期遲到5次即會被記缺點，校內訓導組日內將開會討論是否將今次遲到都計算在內。
對於學生指今次車禍屬意料之外，伍偉昌反駁學生應預留足夠時間盡早出門，他又以自己作例子，「我每日7點半返到學校嘅，點解我要咁早呢？就係避免有啲咩意外令我遲到」，至於學生應預留多少時間回校，他就坦言「答唔到」，「可能你話預早半個鐘返都無用，如果個次大塞車塞到兩個鐘先返到去，一樣係遲到，咁我唯有認命喇！」
不過，陳同學就對校方歸咎遲到的原因是無預留足夠時間上學感到費解，「呢啲係學生同老師都唔想嘅，試問聲點樣認命？如果一兩個人因為好個別事件遲到，好似被困升降機，咁都無計。問題係依家有好多、超過100個學生受影響，唔通叫佢哋都認命？」他認為學校應靈活處理遲到問題，以免影響學生出勤表現，「規矩係死嘅，如果你為咗跟足個規矩令咁多學生，有啲分分鐘因為咁被記缺點、整花自己出勤記錄，我會覺得好唔抵。」
http://hk.apple.nextmedia.com/realtime/news/20161109/55888751
老老實實，點解返學要搭車?
0
2本貼文共有 0 個回覆
此貼文已鎖，將不接受回覆
| 發表文章 | 發起投票 |