三年前宣佈退休不做長片的日本動畫大師宮崎駿，昨日於電視節目上透露即將「復出」，為 CG 短片《毛虫のボロ》製作長片，預計 2019 年完成。

今次是宮崎駿第七度復出。

現年 75 歲的宮崎駿，三年前宣佈金盆洗手，揚言不再參與長篇動畫製作。NHK 昨出播出的宮崎駿訪問，他卻透露將會「復出」，製作《毛虫のボロ》長片。

《毛虫のボロ》原本是吉卜力博物館播放的短片，由宮崎駿親自操刀，並結合 CG 技術製作，片長 12 分鐘。宮崎駿在訪問中透露，故事概念醞釀廿年，不滿足於只有短篇的篇幅，今年八月主動提出要加碼拍成長篇，計劃繪製 100 個分鏡，預料 2019 年有望起貨。

吉卜力工作室的製作人鈴木敏夫形容宮崎駿是「做動畫做到死嗰日嘅人」，而宮崎駿自己也笑言：「分分鐘做到一半瓜咗添，但我仲未同老婆講㗎。」

宮崎駿是日本動畫家，以瘋狂退休及復出聞名。今次第七度復出，有網民就評論說，宮崎駿退休就好像戒煙一樣難。

https://thestandnews.com/culture/宮崎駿第七度復出-料2019完成新長片/


【要在工作中死去】宮崎駿又反口嗌復出 預告新作2019年面世


宮崎駿喺特輯《不終結的人：宮崎駿》，披露正製作長編動畫有意復出。

日本動畫大師宮崎駿喺2013年宣佈「引退」，表明唔會再製作長編動畫，噚晚NHK電視台播出為宮崎駿製作嘅特輯《不終結的人：宮崎駿》，節目披露宮崎駿正籌備製作長編動畫，似乎過去多次宣告引退又反口嘅宮崎駿，今次又再食言。


噚晚播出嘅特輯，記錄宮崎駿炮製全新CG動畫短片《毛蟲Boro》嘅過程。





NHK電視台嘅攝製隊花咗兩年時間去製作呢個特輯，記錄宮崎駿炮製全新CG動畫短片《毛蟲Boro》嘅過程，節目同時披露宮崎駿向吉卜力動畫監製鈴木敏夫交流正製作嘅長編動畫，新作預計喺2019年製作完成。宮崎駿仲話：「與其在甚麼都不做時死去，不如死在工作之中。」鈴木敏夫亦都話知道宮崎駿係直至死前都要製作動畫嘅人，並指吉卜力工作室只要宮崎駿監督想做，就會繼續做。


宮崎駿同時披露正籌備緊一部長篇動畫。


多次反口嗌復出嘅宮崎駿，話死前都要一直工作。


過去宮崎駿已曾經6次講過引退又反口，佢喺2013年製作完《風起了》之後再話要引退，自此只會製作短編作品，如果今次佢復出會係佢第7次反口。

http://hk.apple.nextmedia.com/enews/realtime/20161114/55915934