http://hkm.appledaily.com/detail.php?guid=19837155&category_guid=462&category=daily&issue=20161118

政治敏感　ViuTV抽起《矛盾2》袁彌明揶揄



■袁彌明（左）和雞排妹拍第二輯《矛盾》，重點是港女和台妹的矛盾。



■曾鈺成（左）和長毛梁國雄為《跟住矛盾去旅行》第一輯首集嘉賓，反應不錯。資料圖片



■王丹（左）和馮敬恩的一集爆發公關災難，結果ViuTV要公開道歉。資料圖片

省靚招牌的ViuTV開台真人騷《跟住矛盾去旅行》贏盡口碑，立即添食籌拍第二輯《矛盾》，並請了很多政治人物，除有六四學運領袖王丹與港大學生會前會長馮敬恩、本土民主前線梁天琦和鄉事派侯志強，以及前人民力量主席袁彌明與勇於就兩岸政治議題表態的台灣女星鄭家純（雞排妹）等，三對皆有火花。

早前王丹和馮敬恩到日本外景，突遭ViuTV指二人舉行記招「宣揚港獨」，借機宣佈抽起不播，爆發一場「公關災難」，王丹及馮敬恩拿出有力證據，終令ViuTV總經理魯庭暉向兩人致歉。ViuTV形象雖損，但不改抽起之決定。但前日突傳出ViuTV不止抽起馮敬恩及王丹的一集，而是整輯《矛盾2》。

「唔係搞關公災難」就《矛盾2》被抽，袁彌明昨在電話中直言失望：「佢哋畀唔到好實答案，本身諗住年尾出，但係佢哋話延遲，冇講確實日子。可能覺得王丹嗰啲嘢，其實對觀眾嚟講係冇乜所謂。」她認為《矛盾2》焦點邀政治人物有爭議和話題性，但同時就變成將雞蛋放同一個籃。

袁彌明表示與雞排妹的內容不涉政治，她說：「去咗倫敦同法國拍，有旅遊、飲食同shopping，如果將拍咗嘅片丟落大海好可惜。不如重新剪輯，改名當旅遊或飲食節目播，唔好浪費人力物力。」袁彌明揶揄ViuTV：「抽起係斬腳趾避沙蟲，ViuTV想挽救台聲譽，係應製作有質素節目，唔係再搞一場關公災難，搞好公關手段就可封住所有人把口。」

雞排妹已收到通知，昨短訊回覆：「現在傳整個節目抽起來或延遲播，我跟袁彌明有很多搞笑橋段，其實也可以把我們的部份單獨抽出來做額外的節目。」

「節目成日都會調」第二輯《矛盾2》監製吳繼業昨承認原定下月播：「係有咁打算，但節目成日都會調，會因應情況。」是否抽起停播？他說：「唔可以咁講，留啲空間，研究處理中，睇吓用乜呈現方式，暫時未有任何決定。」是否因王丹和馮敬恩事件、加上梁天琦等太敏感，吳繼業說：「我唔方便再講咁多。」吳繼業指會向嘉賓交代：「處理中，可能唔可以咁快見到，係有少少抱歉。」ViuTV的官方發言人昨也說：「謝謝查詢，有關節目安排稍後公佈，現階段沒有補充。」

此外，ViuTV下月2日取得韓國樂壇盛事《MAMA音樂頒獎禮》直播權，該節目去年在無綫播出，今年就給ViuTV搶到。

採訪：陳杰、唐琛悠、嵐山

上一則: 車婉婉陀B換大Bra

下一則: 《點五步》新星私有化失戀女飛魚　胡子彤歐鎧淳拍拖