高橋南作為一個藝人，用自己扭曲嘅價值觀去蠱惑人心，真係好令到我反感

佢嗰個名言，咩「只要努力就一定有回報」，依啲絕對係假希望，係佢得意忘形嘅情況之下講出嚟、不負責任嘅廢話

點解你咁肯定話「只要努力就一定會有回報」？你有啲乜嘢根據可以證明依一句野，可以套用喺每一個人身上？

如果努力咗之後冇回報嘅話，你可以點樣負責？冇錯，你唔會負責，你講嘅嘢正正就係不負責任

我認為需要知道「就算努力咗都未必有回報」呢個事實之後，仍然為目標繼續去努力，依樣先至係最重要

高橋南仲話乜嘢「用自己嘅人生黎證明」

加入左AKB嗰一瞬間，你嘅人生就已經乜嘢都證明唔到，完全冇參考價值

更何況每個人嘅人生都唔同，同埋你嘅人生係咁樣，唔代表其他人嘅人生都可以活得同你一模一樣

高橋南雖然喺自己喺上年嘅speech講過：
「努力は必ず報われるとは限らない」。そんなのわかってます。でもね、私は思います。頑張っている人が報われて欲しい。

意思即係話，佢都知道努力未必一定會有回報

但係佢喺成個speech之後，仍然要用「只要努力就一定有回報」依句野黎做結尾

因為依句野已經成為一個「梗」，亦都成為咗高橋南嘅「代名句」

佢一日唔道歉，或者作更詳細對於否定「只要努力就一定有回報」依一句嘢嘅聲明，我都應該會對佢一直反感落去