每逢有乜野天文現象出現，D平時掛住炒「野」，睇住個市、幾十萬上落既香港人同D只講強國、經濟既傳媒唔知點解都會「伽利略」(唔係神探，係意大利嗰個 )上身，做一日半日天文學家。就好似最近一星期咁，D各大傳媒例如CCTVB咁，都爭相報導超級月亮呢個天文現象; facebook、instagram D人係咁share自己(或偷人地)拍既超級月亮。

咁究竟超級月亮(Supermoon)有幾超級呢?

其實超級月亮只係比平時滿月大左大概7%，同光左15%，肉眼其實睇唔到太大分別。呢個現象發生只係因為月球環繞地球既軌跡係橢圓，同地球既距離每日都唔同。超級月亮只係指當月球同地球最近果刻咁岩又係滿月，所以其實(如果要講)亦都有超級半月、超級新月、超級上/下弦月、超級月蝕 …超級月亮(Supermoon)呢個名無錯係幾洗腦入耳，不過其實呢個天文現象冇乜特別(雖然講今次超級月亮既大細好似又係唔知點解成日聽到既幾十年一遇咁大)。