https://martinoei.com/?p=9406游蕙禎 去信中華民國嘅蔡英文總統，要求解決界限街以北主權問題。俾一啲熱普城支持者，唔識成封信個邏輯嘅膠人，以至部分唔明台灣獨立之路應該點走嘅人鬧爆。

大家唔該重溫一下我寫嘅膠觀點
香港之所以陷於今日咁膠嘅境地，因為金文泰爵士擔任總督期間，多次爭取界限街以北主權不果（係當時英國政府唔夠薑），之後英國一直都無機會爭取界限街以北地區嘅主權，至搞出中英談判嘅膠事。如果界限街以北主權問題唔解決，香港點獨？獨條毛？

同樣，對台北中華民國政府嚟講，界限街以北嘅主權問題，係中華民國在台灣無法正式台獨其中一個法理障礙。一旦發生中國大瓦解嘅情況，界限街以北民眾主動要求中華民國政府介入，或者南京（中華民國法理首都）民眾主動向台灣方面獻城，都係會令台北進退兩難。而依家中華民國先處理界限街以北問題，例如主動說明俾香港人自行解決，對香港同台灣都少一個負擔。因為依家出師有名，而呢個問題，亦無理由不予解決，等到膠爆先去解決嘅。