見地鐵開左黃埔站, 專登去感受下, 堅係快過巴士好多

唔熟地頭又落雨, 無謂四圍走, 直接入美食廣場食飯。一點半過少少, 最多人幫襯竟然係太興同左麟右李

兩麵一小菜一飽=128元, 4元一位茶錢另加一

麵梗係要食擔擔麵, 散叫32元。上枱時好整齊, 俾我整亂左。麵軟硬啱啱好, 擺多一陣就會失去彈性, 要第一時間食。要左一辣一唔辣, 唔辣嘅偏淡, 辣嘅就中正紅心


腰果雞丁, 散叫78元。算好食, 有雞皮要扣分。


小籠包, 佢地叫小湯包, 散叫42元。一籠有四隻, 我食左一隻至影相。此包皮薄多汁味鮮, 連包頂連結位都軟身, 完勝南翔、翔龍、灣仔369, 係我近年食過最好嘅小籠包 利申:少出街食飯 [/size=2]


豆沙鍋餅又係我的最愛, 但呢個整得唔夠脆, 失敗, 甜度就剛好。跟餐價30, 散叫要40幾。


整體來講滿意, 鹹淡適中, 少有好食嘅感覺, 交通便利之後, 多左個出街食飯目標。