講咗咁多，終於入正題，咁鬥完車之後，我去咗個某個車友嘅朋友的私人會所飲杯嘢，地點係深井，哇藍友斑真係開眼界，原來佢買咗成間別墅，用來當私人酒吧，無他，聽朋友講，佢係香港某「舖位大王」之後代，正職就係加租，同不停收租，只要唔係打仗同佢賣走啲舗，真係食多十代都夠。由於藍友斑寫了篇文講《點解我唔加租》，所以我都幾有興趣了解一下，點解佢會係咁加租。

 

近來有唔少新聞，都係租客被加爆租，譬如係佐敦嘅佳佳甜品，因為被米芝蓮推介咗，業主加租加了120%，10萬租一口氣加到22萬，所以被迫結業搬遷。我問佢，其實做業主，加租咪加租囉，但有無必要加爆人地？而佢嘅答覆，藍友斑真係覺得，絕對要爆粗。

「點解？Um，好玩囉。」我當堂聽到眼都突，下？人地用條命去搏盤生意，你一句「好玩囉」就抹殺咗？你加人一倍租時，有無考慮過成件事係幾咁反智？你間舖頭有無突然大咗一倍俾人用？當然，佢無諗過。我繼續問，：「喂，如果你加一倍租，迫到人地走咗，之後幾個月租唔出，咁咪倒蝕？當初何必要迫走人呢？」，「咁咪由得佢丟空囉，我屋企大把舖，多佢一間唔多，少佢一間唔少，總之有人租得出，先至再租囉。」

http://news.memehk.com/posts/12867
屌你地自已睇