出席婚宴時應該封多少人情，經常考起港人，過去亦曾出現「500蚊港女」事件，即有女士在其facebook戶口公開謝絕只給500元人情的朋友出席其婚宴。「生於亂世」專頁早前撰文表示剛接到讀者不幸小產消息，心情沈重，惟該讀者的小學同學卻依然催促她要交上人情費用，「你人情過俾（畀）我就可以了」，專頁直斥「人哋小產黎唔到飲你講呢D說話簡直人渣都不如！願受害人早日放下傷痛，重新上路！」

帖文附上兩幅facebook message對話截圖，事件在9月28日晚發生，對話中可見該即將結婚女士詢問該讀者，婚宴當日何時到達，讀者即回覆「我有事，小產」，女士即指「你又有事！！」讀者再表示「不過來了，祝你新婚快樂」，並附上早前與其他人的whatsapp對話截圖，對話中表示為胎兒照超聲波時看不見胚胎，醫院叫她要有心理準備。翌日該女士再追問讀者是否看醫生時確定懷孕，讀者承認並指因心情未平復而不欲多談。
惟到10月2日，該女士再表示「你人情過俾（畀）我就可以了，我帖寄俾（畀）你，OK？」讀者即時表示，自己其實人在醫院，而對方竟催促她交人情，更附上一張背景是醫院病床的照片。該女士其後回答「點解丫又，無錢丫嘛」、「我唔知道丫嘛」，之後才似乎終於放棄，稱「唔好意思」。
帖文引來不少網民聲討，不過，因日前「生於亂世」專頁亦有與人情相關帖文，有人質疑事件真偽。該讀者留言解釋，正正因為看到該帖文，「我有感而發，但其實都不想讓自己的朋友知道，我的小皮蛋沒有了」。
11月22日「生於亂世」專頁曾上截4幅whatsapp對話截圖，指事件是「又一單港女結婚請飲笑料」，事件主角因其「老婆個哥哥」（大舅）去世而不便出席其前度女友的婚禮，該女士卻表示「人唔到，禮到呀！」有網民坦言，「結婚擺酒呢種玩意，根本就係想盡辦法搵人籌旗！識嘅或唔識嘅，都俾張請帖你！又可以人多充撐場面！無錢就唔好學人結婚啦。」
【網民點講】
Becky Tucker：擺酒唔係儲夠錢先搞架咩？趕住結婚咪唔好擺囉，大家都慳返。
Yoki Cheung：仆街黎
Sofie So：幾百蚊就睇清楚一個人
Bing Tam：香港禮崩樂壞
Meko Leung：仲同佢解釋咁多，影響自己心情
Charlene Cheng：哩個就真係禽獸不如！
Sophie Yeung：下次再結個時 再補比你^_^
Chris Tc Hing：俾唔起錢擺酒，感覺似等人交贖金
Wind Tai：對住呢種人我只會一句ban埋去...「日久見人心，同你做咁耐朋友係我錯，係咁先」
http://hk.apple.nextmedia.com/realtime/news/20161125/55961390


「生於亂世」專頁早前已曾上截4幅whatsapp對話截圖，指事件是「又一單港女結婚請飲笑料」。