有種幸福，係同女神同一日last day

是咁的，想當年同女神同一日入間公司，一齊經歷左幾個寒暑做同事，估唔到最後居然係同一日last day。

當我知道我同女神同一日last day，個一刻個一種感覺就好似『不求同年同月同日生，但求同年同月同日死』個種轟轟烈烈既淒美感。將本來大纜都扯唔埋既我地，就好似誠哥部你的名字咁，多左個misubi係我地之間。

試諗下，同一日last day最大既好處，莫過於可以同女神一齊影相。d公司同事如果趕時間或者懶既話，都會要求一次過影曬你地兩個人，咁你就可以同女神出現係同一張相度。更甚者，你可以大膽要求同女神去公司唔同既角落留倩影，咁又可以博到幾張同女神既合照。放埋係社交網站，就算兵仔嘅身份得唔到承認，都有另一種可以告知天下人、既特別又唔失禮女神嘅關係——『佢咪就係同我同一日last day 既同事囉』。

因為對兵仔黎講，最痛苦既事並唔係服兵役，而係連張入伍既申請表都冇。因為女神話過佢唔係娘娘所以唔收兵，我連兵仔既身份都不被承認，我軍糧都未收就被已經被人DQ。

不過呢d都已經唔緊要啦，有相有真相。經過last day個日係FBIG係咁不停post相，我深信我既軍階已經自動被升呢為大將軍，我離女神又會再近多步。