面對現實啦

膠登其實唔會有任何改變

nimda放手畀ice之後深潛，abc走左佬，呢家連ice都深潛

代表D咩?就係現存既admin其實已經唔打算再為呢度做任何額外既野

佢地目標只係將膠登維持住現狀，等仲係度既人可以繼續有個地方圍下爐

不滿現狀既、又或者對膠登已經死心既人，一早已經走晒

剩低既，就只係一班覺得無咩所謂，咁樣都唔錯丫既人係度圍爐

人各有志，其實無所謂，唔想留係度既自然會走 (好似我咁...呢家都少上膠登)

覺得留係度感覺良好既，當然亦可以繼續留係度，無咩問題

咁我想講咩呢？

我想講真正想改革膠登，或者對膠登仲有不滿，有想法既人

唔好浪費氣力係度討論啦，你無論講乜都好，都係無用

因為揸住個forum既人根本唔想郁，你有一萬個idea都無用

你一係就搵到深潛既nimda說服佢放手畀你地大搞大執

一係就索性開個第二檔或者去第二檔度幫手好過啦

而至於仲留係度既人

其實膠登係點既，有無將來既，你地自己有眼睇

呢D無得呃，有感情係一件事，實際情況係點係另一件事

上得膠登，就要接受呢度係咁，接受唔到就走，因為呢度已經唔會再有咩改變既空間

仲要為膠登而嘈或者不滿既，都係節省一下力氣算啦

講完，我其實都係繼續食花生算