手機、單反、無反、Action CAM……總之用攞起上手，就會不斷拍下生活之日常的人有福了，最近又有新周邊產品推出，滿足你不斷「拍拍拍」的慾望！佢係由美國生產攝影周邊器材公司edelkrone開發的 Povie。

Povie造成一個頸圈形的設計，只要將佢掛在頸項之上，就可以透過跟機送的磁貼，將部手機隨時黏在Povie之上；從此你就可以透過手機的前置鏡頭，不斷拍下生活之日常。

Povie另一賣點，就係手機貼上之後，還可以作平視及俯視角度拍攝，所以不論是想行街邊行邊拍，又或者想空出兩手，以俯視角度拍番段「開箱片」，佢都可以完全幫到手，不過唯一缺點係張磁石貼要放在手機背，無形中拍攝畫面就一定要背向你，如果你想用頸遷就角度，都會比較困難。

這個「下巴」攝影器，價錢亦相當貴吓，要成44.99美金，折算要成$349港幣；老實講，要自己動手diy一個，估計真係唔需要呢個價錢，不過當然賣相未必會咁靚囉！

記者：朱崇德



跟機除有Povie頸圈一個，還有兩張磁石貼。


最重可以貼上236g的手機，對應iPhone都冇問題。


頸圈由ABS樹脂及矽所製成，戴上感覺會幾舒適。



頸圈貼手機位置，可作多角度調校，而且起用不銹鋼螺絲，方便大家調校鬆緊度。


手機磁石貼都真係幾大張下，可能驚磁力過強會影響手機，增加與手機接覺面積，都係一個好做法，如果諗住要diy者要留意。


就連Action CAM都對應得到！講句題外話，外國人其實幾喜歡小蟻，事關性價比真係幾高，所以示範都用佢吧！而且就算跌爛都唔肉赤。


source : http://hk.apple.nextmedia.com/
+++++++++++++++++++++++++++++++++++++++++++++++++++++++++++++++++
咁似比貓狗帶個 d