一直都覺得膠登啲人好低質, 討論氣氛遠比唔上中學時上嘅高登
對人唔對事, 鍾意啄住啲雞毛鴨蒜嘅事, 針對立場而唔係論證, 盲反主流, 病態價值觀
總之就好撚垃圾, 正宗網絡青山

lihkg出現, 本以為有望拯救香港網絡界, 令到香港唔再得返班青山友上網
我仲寫咗千字文, 藉膠登嘅失敗經驗嚟畀咗啲建議
俾人轉貼過去lihkg之後拎咗差唔多一千粒正評

但係, 蜜月期已過
近日上lihkg諗住回下post, 先發覺膠登真係低處未算低
嗰邊有更嚴重嘅乘客問題
膠登有嘅問題乘客, 嗰邊同樣有, 而且係有更多

真係不禁有啲難過
明明香港社會近年似乎幾重視網民聲音, 但網上風氣卻無可避免地不斷敗壞

係咪我見識少, 係咪全世界都係咁?

真係冇野可以做
醫管局都話, 香港每七個人就有一個有精神病
老老實實, 我認識嘅朋友之中, 上網時間最長一定係我
我都係人大咗先發覺原來身邊啲人根本唔會點上forum, 都係間中先望一望
所以, 由朝到晚可以喺forum鳩噏嘅到底係咩人?
如果我每日花幾個鐘時間, 原來係同緊啲雙失, 痴線, 變態, 弱智人士傾計, 咁我到底即係做緊咩...

莫非"認真你就輸了", 就係呢個暗示?
真係諗唔通
到底網上係一個咩世界, 匿名隱身嘅討論模式係咪必然成為喺現實冇地位嘅邊緣份子嘅世界?
社會可唔可以將有問題嘅人掟哂去集中營? 唔可以
可唔可以將有問題嘅人全部駁去內聯網, 將佢地隔離? 又唔得

似乎乘客問題並唔係個別乘客嘅問題
而係整體嘅乘客問題
既然冇辦法改變, 係咪不如唔好上forum算