以前返大陸探親,有晚停電勁熱,咁村入面有條細細地嘅古橋

橋身用瓦片砌咗幾隻字咁,光緒定唔知乜有埋年份唔記得,總之話明佢算古物啦

因為橋喺河上面有啲涼啦,就自己一個人去睇月光,

但去到先見到周圍畀啲樹摭住晒,黑媽媽見唔到個天,同日頭好光猛陽光照到落地個FEEL完全唔同

不過環境朦朦朧朧咁,風樹嗚響水流聲,好舒服

之後聽到河水聲愈嚟愈急,過多陣留意到無晒蟲叫,而啲水聲仲係不斷咁衝,個環境仲變到好鬼黑

我心諗呢鋪撞鬼就經典啦,即刻望入河入面睇吓個倒映有無嘢

不過見到嘅係兩隻手臂咁粗碌嘅蛇影游過,足足游成廿幾秒

講真,撞鬼都無咁恐怖,嚇撚到仆街 聽阿婆講係山精唔多會害人,專徘徊喺舊嘢附近,真心怕怕