事情發生係冬天,個時
大概係小學4-5年級(唔太記得)
話說個時我學校有D咩課後補習班(其實只係係個到做功課)個班裏面就分AB班,A班就早D走大概4:30-5:00左右,B班就補到6點先走得,當時我老母見撚到就緊係幫我報左個B班先啦,癈時我放左學周圍走。個時個班呢全校都有好多人報名,我成世人咁黑仔依D事就緊係抽中我啦,咁個班就係二樓個禮堂到上,我記得個震成個二樓係禁區因為校長室之類個D都係二樓,如果冇咩時係唔比係個層停留,除非有咩大活動或者係個死人補習班。
交代完背景就黎正題,個日因為冬天,個天大概4-5點就黑到好似7-8點咁,咁A班D人就走曬,個禮堂就剩返B班少量既人係到,當時身為神抄手既我當然好快咁抄曬同台D人既功課答案啦,咁做完曬D老師緊係唔比你停啦…溫書！咁我緊係扮嘢溫習,然後瘋狂同個fd傾計,傾到咁上下,以D時候尿意就緊係要出黎刷一下自己既存在感啦,咁我就打算去廁所解決下佢,其實我就唔係幾想去廁所,因為月黑風高又凍,學校又無人,加上我地學生唔可以用二樓既廁所,所以只能選擇三樓既廁所,但唔點解連接二樓同三樓之間既樓梯突別長,咁我上到三樓個就係一個空無一人既樓層見到有一個課室開住燈咁我就係咁以望一望咁見到D入面亂到唔知點咁同時又聽到有D聲碰撞聲就心諗應該校工整理緊,咁就入去廁所入面,當放左之就洗手,正當洗完手,此時聽到D鐵鍊聲,我就馬上轉頭就係同時見到係門邊見到有白布向樓梯方向閃過,咁我緊係走出去睇睇咩黎,但出左去發現咩都冇,當我轉身向樓梯同時見到係二樓上三樓中間個層既角落見到一個面向我全身白色既人形物體帶住一頂好高白色既帽,個震仲同佢對望左幾秒,當時全身毛管動,下一秒打算跑去岩先仲有光既課室求救,點知一到門前發現原本開著既燈都關左,課室都收拾等整整齊齊咁正在我好無助好驚既時候,就諗起禮堂到仲有人,就打算狗沖落去,當我好撚驚咁一步步行去岩先對望既位偷睇睇下佢仲係咪到,係以個時間發現佢唔見左,說時遲那時快,馬上沖落去(白色人)企個個位,當時自己就on9左仲回頭望返三樓,點知仆街喇又見撚到第二隻黑色人形既物體又係帶高帽,咁啤撚住我,我當時又同佢對望左幾秒,就係我對眼合埋再開既時候佢消失左。

(*)當時開左燈既課室
(！)白布閃過既地方