http://video.appledaily.com.hk/mcp/encode/2016/12/14/3231391/20161215_Vvvsub06_clean_w.mp4


Vicki一家，除了老公，還有兩個月大的兒子Oliver、唐狗Elly、積羅素犬Biscuit、黃頭亞馬遜鸚鵡菠蘿及非洲灰鸚鵡番薯，以及菲傭Mars（右）。

兩隻狗，兩隻鸚鵡，再加上兩個月大的BB──在很多人眼中，共處一屋是不可能任務，鄭蘊盈（Vicki）卻不以為然，「我話我啲寵物來先㗎喎，一係我唔生，咁屋企人就冇嘢講㗎啦，哈哈！」Vicki家有一隻唐狗Elly、積羅素犬Biscuit、黃頭亞馬遜鸚鵡菠蘿及非洲灰鸚鵡番薯，自己兩個月前更成為一子之母。

Vicki雖然說得得戚，但當家人問及如何處置寵物時，的確傷了她心。家人的擔憂也不無道理。Vicki天生對骯髒的動物毛髮敏感，曾因此多次出入醫院，家人擔心BB會出現同樣情況。除了敏感外，Vicki還擁有一顆熱愛動物的心，「外國有研究證實由BB開始接觸啲毛，佢哋嘅免疫力會強啲，身體都會強壯啲。我啲寵物乾淨時，佢接觸應該都冇問題。」為此，Vicki特別注重清潔，每天吸塵清潔家居、隔日用清水為狗隻沖涼、寵物出街後返家要抹乾淨手腳，以確保寵物及環境整潔，「我覺得如果你養得嘅話，一定有方法，係睇主人點處理。」現在Vicki不但當了六年動物義工，更成為暫託家庭，經常照顧被遺棄的動物，BB也沒出現敏感情況。

聞定大便尿片　告知BB快來了
敏感問題解決了，相處呢？難道不怕寵物會傷害BB？Vicki認為狗隻攻擊人定必有因，「例如小朋友身體語言做咗乜，或者好大力打隻狗，或者狗有啲部位唔掂得，大人應該睇住小朋友做咗乜動作刺激隻狗。」有一次，Vicki帶唐狗Elly過馬路，有小孩故意踩牠尾巴，家長卻毫無反應，更讓她確信愛護動物得從小教導。因此早在懷孕時，她已請教獸醫如何讓寵物與BB和諧共處，「大肚時，讓狗狗多接近個肚；上網搵狗吠聲擺喺肚附近，每日聽幾分鐘；掉番轉畀BB喊聲寵物聽；BB床要早啲買放喺度，話畀寵物聽嚟緊會有BB。」獸醫甚至建議拿BB的大便尿片給寵物嗅，「生咗未出院前問護士拎BB嘅大便尿片，返屋企畀狗聞，要日日新鮮，連續聞到BB回家為止，等啲狗知道BB已出世，呢陣係佢陣味，但因衞生問題醫院通常唔會畀，我求咗好多個護士，先有一個肯畀！」

看看成果，BB出生後，一屋寵物確實並不排斥BB的存在，惟獨Elly曾有一點妒忌，「我嗰時大肚，佢好生性，每15分鐘就來望一次，好擔心。但BB出世後，佢就有少少妒忌。?家相處得還可以，我唔會強迫佢。」話音未落，Elly便主動舔了BB小手一下，讓Vicki喜出望外，「未試過！之前佢一見到BB就走，成日屈住喺度發脾氣。?家越行越近，BB喊會行過嚟望，路過時會望吓BB喺唔喺床。」箇中秘訣，是要有同理心，「其實係細心啲去諗，究竟生仔前後，寵物生活係點？要確定佢哋生活係一樣。」

家裏有寵物又有初生BB，是不受外傭公司歡迎的人客，Vicki最後才直接從菲律賓聘請到現在的工人Mars，「與外傭電話對談時我就好坦白咁講：『我屋企動物行先，我屋企動物係我屋企人嚟，我唔係要你鍾意，我係要你好鍾意。』」幸好，Mars愛寵物的程度不遜Vicki，空閒時便抱着狗在地上滾着玩、與牠們同睡，「總之乜都以佢哋為先，好開心請到Mars返嚟。」看她一臉滿足地凝望各家庭成員，大概為了所愛事物堅持的人，才會露出這種神情吧。



Elly（左）和Biscuit的床墊就在主人房的嬰兒床邊，除了讓牠們親近BB外，還可確保牠們的生活不會因BB來到而改變。


除了「錫啖先」和「我好靚仔」外，番薯還會在BB哭喊時說「唔好喊啦」安慰他。


番薯生性害羞，看到陌生人立刻豎起毛，要媽媽Vicki安撫。



菠蘿較有性格，曾咬Vicki多次，碰也不能碰，飼養三年後終於可讓主人抱。


本來看到BB就逃走的唐狗Elly，現已可以與B同眠。


記者：封愷瑜
攝影：劉永發
編輯：謝慧珊
美術：孔文彬


source : http://hk.apple.nextmedia.com/
+++++++++++++++++++++++++++++++++++++++++++++++++++++++++++++++++
好得意