「我就叫神仙B，你識唔識呀？」這句對白相信不少人聽過，也模仿過。電影《三五成群》中神仙B一角，令蔡堅成（B哥）成為網民熱捧人物，有網友為他開設專頁，亦有網友人肉搜尋他的蹤影。《蘋果動搞作》早前找到已轉行當的士大佬的B哥做專訪，談談他的近況。

記者：倩宜　拍攝：馮峰、Neo、沈健程

龍虎武師出身的蔡堅成（B哥），曾經為四大天王、楊紫瓊、李連杰、甄子丹等當替身，他坦言當年跟眾巨星感情不錯，有些更會私下約出來飯聚。「好似梁朝偉啦，嗰陣都有約出嚟打波食飯。關禮傑都係好朋友嚟，不過哥哥張國榮我就唔敢約。」問到當武師的他，後來為何會參演《三五成群》中神仙B一角？他笑指是巧合：「我唔係做演員架，海報上面都冇我名，係佢哋叫我，我先去玩下。佢（指導演）本身唔係搵我做呢個角色，佢係搵另一個有紋身嘅武師做，係唔知點解最後無搵佢搵咗我。」B哥指自己本身並沒有紋身，戲中的紋身是臨時用印水紙印上，他還自爆片中掌摑大王宋本中的一幕，是自己爆肚加上的。「因為我做黑社會，我係度兇緊佢，我一路兇一路迫前，迫到去佢前面都唔知做咩好，所以咪打佢兩巴囉，當時佢都呆一呆，心諗點解會打我。到cut機之後，導演都問我點解會打佢。」

香港電影不景氣，年多前B哥就由龍虎武師轉行當的士司機，說到轉行原因，他唏噓的說：「人情冷暖，世態炎涼，你唔明架喇，唔係成日都有戲拍架嘛，無戲拍咪揸的士囉！有人搵咪拍囉，無人搵咪繼續揸的士囉。」現時為夜更綠色的士司機的他，表示每日下午四時開工，勤力時會工作至翌日早上六時，要是太累的日子，凌晨二時許便休息。「勤力啲一千蚊都搵到，但要好勤力囉，都唔係話日日有一千蚊。」B哥說。由於在網絡薄有名氣，故偶爾也有乘客認出他要求合照，B哥說：「有啲會認得，搵我影相呀、簽名，好多認得我嘅會同我講返啲對白。不過唔係個個都認得，因為(套戲)都好多年前，我都變咗老人家。」

雖然算是轉了行，但其實B哥對演藝事業仍有份執著，他坦言仍希望可重回演藝圈：「幕前幕後都可以，幕後做下指導啦，自己最想係做導演，希望有呢個機會。」

對於多年來備受網友熱捧，B哥直言沒想過大家會喜歡他的演出：「拍咁多戲，拍完就算啦，邊度記得咁多，點知道你啲0靚仔咁鍾意！」問到他有甚麼說話想跟一眾支持者說？B哥想了想笑說：「多謝大家嘅支持啦。我都估唔到有人鍾意睇我，多謝晒！」


http://hkm.appledaily.com/detail.php?issue=20161223&guid=56080861&category_guid=7018882&category=instant

唔怪得咁真，原來「無人識你」係爆肚黎