呢個post唔係講套動畫
係想講吓男女主角個名原委嘅歷史

伊達政宗同愛姫(めごひめ)係政治結婚, 當時政宗13歲、愛姫12歲
愛姫係代表田村氏同伊達氏結婚
兩族本身都係又有打仗又有和好嘅過去, 為咗安泰同牽制, 所以派出子女結婚

不過經過多年兩人都未有子女
7年後, 愛姫父親死亡, 田村家分開咗按愛姫父親遺言依賴伊達嘅派系同依賴愛姫母親親族相馬家嘅派系
因為親相馬派系刺殺政宗嘅陰謀, 令到愛姫侍女, 包括乳娘, 被伊達家判下死刑
當時有傳夫妻關係因此不和
相馬家亦趁亂攻打伊達家, 不過失敗
政宗就喺勝利之後決定咗田村家繼承人人選
但係政宗之後又因為戰爭同領土問題同田村家繼承人鬧不和(政宗用田村家嘅領土換取唔參與豊臣秀吉嘅戰事, 但係阻止田村家參戰嘅亦係政宗)

愛姫就夾喺三族複雜關係間渡過多年(其實仲有蘆名氏未講, 實際上係四族)

同年喺豊臣秀吉嘅城池, 愛姫搬咗入去做伊達嘅傳信人, 某程度上亦可以叫做咗秀吉嘅人質, 而且有意強姦愛姫
政宗出言拼力招架, 最後愛姫顯露佢嘅懷刀, 以表決死之心, 令秀吉知難而退
愛姫又喺畀政宗信件寫道「天下未平定之際，請殿下按大義而行。無須擔憂我身安全，懷刀時帶在身，誓不受辱。」
愛姫又寫咗首詩歌表達己意, 大意為「從心底裡發誓，在死後的世界，也必跟隨夫君。即使生死相隔，亦不算些甚麼。」
政宗喺之後同愛姫會面嘅時候, 就大讚愛姫果然係繼承咗田村將軍嘅血脈

喺佢哋始婚第15年, 終於誕下一女, 6年後又再誕下一子, 伊達忠宗, 而忠宗之子宗良就喺之後繼承田村家當家嘅位置

純粹提起興趣所以查吓
愛姫真係好強 [/size=2]