人仔貶值唔值錢，令Bitcoin值錢?而家一粒比特幣(Bitcoin)的價值，差唔多拍得住一盎司黃金。Bitcoin在內地交易所既價錢，竟然比美國嘅高3%。係咪用來走資，真係「心領神會」喇。

本刊13年曾經就bitcoin做左個專題，介紹有個自己創辦香港首個Bitcoin交易平台嘅狂人袁激光(Laser)。上星期記者再搵佢，原來佢12年搞bitcoin開始，至今無再出去搵工，匿係天水圍6年，都係對住電腦，搞bitcoin交易所。交易所就好似港交所，做Bitcoin二手買賣，但無咩知名度，金額唔慌多，不過laser無咩所謂。

佢來自湖北，或多或少反映到點解內地人對bitcoin咁瘋狂。佢13年底，接受壹仔訪問時指，持有20粒Bitcoin，平均買入價為每粒390元，總共7千多元，現已升值倍至超級15萬。連採訪佢嘅記者，都忍唔住買左一粒。

得到老婆支持，而家Laser靠平台每單交易收0.2%手續費維生。他坦言收入非常不穩定，但已經足以維持一家三口的日常開支︰「Bitcoin價格波動大時，大升或大跌時，就會賺多一點。」一般而言，每月有一千多個交易量，活躍的月份有機會會有幾倍的交易量。搭建平台之初，他花了半年至一年時間編寫程式，亦有聘請freelance 幫手，但主要是one-man band。為了節省成本，辦公室設於家中，一個天水圍天頌苑800多呎單位。一間房、兩個屏幕，就是他的小天地︰「全部時間都在寫程式。我也想陪兒子玩遊戲，但真的沒時間。」

曾在內地修讀電腦，再在香港理工大學拿取博士的Laser說:「比特幣的設計架構非常漂亮! 從數學上、計算機上，都是非常漂亮的一個東西。」佢對平台無set咩目標，究竟bitcoin琴日幾錢有啲茫然，他只是咬牙切齒，表示決定把人生全然投進Bitcoin︰「未來一定與Bitcoin相關!」說是雙眼發着閃光。

丹麥盛寶銀行Steen Jakobsen曾預測，Donald Trump當選美國總統，將引發嚴重通脹，令新興市場擺脫美國貨幣政策，今年比特幣有機會升穿2000 美元! 但其風險，是未獲得主流國家認可，隨時化為烏有(廢紙都無張!)買bitcoin隨時通殺通賠，可能就係令賭性強嘅內地人、着迷既地方!


片:
http://nextplus.nextmedia.com/news/latest/20170107/467234