G.E.M.(鄧紫棋) 接受蘋果獨家專訪。對「宇宙巨漿」、「時裝災難」呢啲花名有乜睇法？佢話：[red]「心情好嘅時候一齊笑，嗰排比較忙或攰會覺得好煩。」最唔鍾意邊個花名？佢坦言：「最唔鍾意個漿字，因為漿同G.E.M.讀音都唔同。」[/red]

鍾唔鍾意返香港？呢兩年網友咁多批評有乜感受？G.E.M.坦言：[red]「其實我成日都返香港，聽到呢啲聲音都唔開心，原因唔係啲人成日話你唔好返嚟香港，唔開心係我好重視我喺呢度歌迷，我好重視香港呢個地方。」[/red]

多年嚟喺內地發展，問到佢點睇藝人被批評為賺人仔跪低，喺內地節目飲尿？G.E.M.愕然：「有啲咁嘅事？點解嘅，咁勁，咁我又唔得喎！乜嘢節目呀？咁搞笑，你又唔可以斬釘截鐵地因為佢做呢樣嘢係為錢，[red]之前都有節目要我跳笨豬跳，我係畏高嘅，但我都有跳咗，唔係因為節目畀幾多酬勞 ，我要挑戰嘅只係我嘅恐懼。[/red]」

專訪中講到紀錄片內重提前度林宥嘉，怕唔怕畀人話消費舊情？G.E.M.坦言：「其實都唔會驚別人點講，因為呢部紀錄片一年前半拍完，只要你知道唔係，唔需特別證明畀人睇，呢套電影記載生命裏面影響我幾深嘅經歷，所以冇刻意避開邊一個部份。[red]我冇好多段感情，一隻手都數得晒，五次之內。[/red]」

林宥嘉同丁文琪結咗婚，會唔會祝福佢？G.E.M.笑住話：「[red]會祝福佢，祝福佢哋生活愉快。[/red]」唔再恨佢？佢表示：「[red]時間會令你慢慢消化一啲嘢[/red]，當你再回望，覺得人與人之間關係有開心同唔開心時候，呢一刻問我就已經冇嘢嘞，好健康快樂。」

分手後有冇再拍拖？佢拒答：「呢個就係我呢段關係學到嘅嘢，以後都唔講有冇拍拖，直到我結婚，因為喺一段關係入面，如果要承受外界壓力，本身你可以自由自在經營一段關係，突然之間變咗兩個一齊抵抗環境畀你嘅壓力，其實會嘥咗好多精力，我學到就係有咁低調得咁低調。」問到擇偶條件有冇變？佢話：「其實我冇擇偶條件，佢嘅價值觀要同我近，我嘅價值觀絕大部份建立喺我嘅信仰上面，簡單啲講，如果我嘅另一半同我係同一信仰，咁件事簡單好多。」

AppleDaily Link：
http://hk.apple.nextmedia.com/enews/realtime/20170111/56156038
http://hk.apple.nextmedia.com/enews/realtime/20170111/56156532