又係一套純劇情電影, 開始仲以為係一套紀錄片, 睇睇下先知係套戲黎.
套戲係講一個劇團個故事, 個劇團本來係香港已經係好少見, 表演型式就好似以前歡樂今宵既年代, 無劇本, 好多只係即時發輝既表演.
戲中演員我覺真係演技一流, 所有鏡頭, 剪接, 係一個真係好平淡既故仔, 都可以感覺無咩冷場, 段段都好快, 好舒服.
無奇怪劇情, 無特技官能刺激, 故事題材冷門, 都一樣可以拍到一套咁出色電影, 大家真係可以花時間一睇, 原來電影中既鏡頭, 剪接, 係可以好精彩, 唔一定要睇大明星, 睇特技先叫睇過戲