稱要與香港人「一生一世」的貴價茶餐廳翠華（1314），近年負評如潮，有人說它轉攻自由行，與港人愈走愈遠，食品質素下降又不斷加價。剛入局董事會的翠華太子爺李祉鍵，坦承翠華「之前做得好不足」，會接受香港人的「負皮」，冀趁今年成立50周年作改變，做返香港人的翠華。



翠華近年業績大倒退，去年多名創辦股東更爆爭權，將不和「擺上枱面」，賣盤「話賣唔賣」，令市場感混亂。這亂局最終由主席李遠康向其他創辦人購入少量持股，再安排其子李祉鍵加入董事局後，暫告結束。


面對外間批評，李祉鍵卻正能量滿身：「唔怕客人畀意見，佢畀意見係因為佢仲care，唔care可以走咗去就算。」那過去自由行好景時，是否太依賴內地客生意，忽略了本地需要？「唔係嘅，我諗每個階段就有每個階段嘅需求，但今年重點，是要去改善之前做得不足的地方。」


要拉近翠華與香港人的距離，免不了要處理其被轟「離地」的食品價格問題。一個招牌奶油豬由2012年上市時賣16元，4年來累加25%至現時20元；一杯熱奶茶盛惠20大元，簡單午餐隨時索價70、80元。李祉鍵堅持翠華是與香港人「風雨同路」，強調過去20個月已無加過價，全因睇到香港近兩年經濟起伏不定：「想同香港人一齊奮鬥，同香港步伐一致。」


至於現價是否過高、有否減價空間，李祉鍵就沒正面回應，僅稱已從份量上着手去回饋客人。「好似裝熱檸茶、魚蛋粉嘅器皿，已換咗新裝，容量比以前更加大，希望在產品上滿足大家。」記者其後到翠華多間分店視察，發現有加大份量的暫時只有少量產品，亦只有新店有換新器皿，公司指其後會逐步在全線分店更換。



翠華被批主力做自由行生意，李祉鍵指現時會想「茶餐廳係香港人心中代表什麼？」、「點解香港人喜歡去茶餐廳？」等問題。他認為吸引香港客回流的元素，是人情味。「好似細個去茶餐廳入門口已有伙記嗌『阿李生』，A餐、凍檸茶，坐低食物好快擺晒出嚟，好似返咗屋企咁，想將這種文化重新在翠華帶出來。」
然而，昔日人情味濃的小店，已膨脹成今日在中港擁60間分店的連鎖集團，如何回到當時？「下半年會出一啲同香港人有情感嘅菜式，目前研發緊，好多本身茶餐廳文化嘅產品，已經一段時間無左，可能會係50周年推出。」


他強調「中環分店好多老顧客，打牙骹、傾吓偈的文化依然存在」，而走入新區，客人都接受翠華，因為「係好貼地的香港人文化，食個菠蘿包都係7、8蚊，飲杯奶茶都係十幾二十元，係普通消費」。



早年翠華着力拓展內地，李祉鍵指未來「香港一定係重點發展地方」，今年會開3至4間新店，住宅、旺區同時發展，在攻入新區時會按消費能力調整價格，旺區則因有國際、日韓遊客鍾意「揸（旅遊）書仔」到翠華搵食，繼續有支持。


李祉鍵承認過去數年香港服務、管理上步伐放慢：「之前業績公佈時，管理層都好有誠意咁同大家講，（翠華）之前真係做得好不足，但要將翠華同香港文化重新擺出、磨合需時，希望不久將來會做返啲同香港人貼近嘅野」。


那是否不再賣盤了？他輕輕「嗯」了一聲默認，重申翠華「上市真真正正目的是要透明化，畀公眾監察，持續發展」。


http://hk.apple.nextmedia.com/realtime/finance/20170122/56201067