港鐵偷拍事件時有發生，今日facebook專頁「離地公社」上載一條約12秒片段，當中見到一名中年禿髮阿叔疑在地鐵偷拍一名女子嘅重要部位，聽到個女仔用英文好勞氣咁話﹕「This guy took pictures of me. I ’m going to report you , seriously!
（呢個人影我相！我一定要舉報你！）」




現場未見有人勸止，唯獨見到藝人韋家雄指住該名中年阿叔，阿叔個樣尷尷尬尬笑住話：「大家都係唐人，大佬……。」韋家雄再指住佢鬧：「你影人哋唔啱吖嘛！」阿叔好驚咁話：「係係係……。」




今日韋家雄回覆傳媒時透露，原來事件發生喺兩個幾月以前，當時佢由將軍澳準備返大陸，相信係乘觀塘線住九龍塘途中發生。韋家雄話﹕「嗰個係我，其實最初係聽到好嘈，但個女人又講英文，我英文又唔係咁好，開頭唔知發生咩事。」


佢話後來見個個女仔搶走阿叔手機，而嗰位阿叔又衝上前搶，韋家雄就出手阻止，佢話﹕「後來我都估到係偷拍，見個男人衝埋去，我就掹住佢(阿叔)唔畀佢傷害個女仔。」問到其他有人冇阻止？佢話﹕「都冇理會。(覺唔覺太冷淡？)有少少。」佢透露最後個女仔delete咗啲相，然後講咗句「Get Out」就推咗阿叔落車，最後都冇報警。



唔少網民都讚韋家雄見義勇為，話佢好man，原來家雄都唔係第一次幫人，佢話﹕「見過人打交、嘈交都有幫手，但我都係勸啫。」http://hk.apple.nextmedia.com/enews/realtime/20170122/56208805

https://www.facebook.com/pg/impracticalidealist/videos/?ref=page_internal

咸濕伯父, 幾廿歲仲唔化
大力好MAN啊