大年初一！好多舖頭唔係放假休息，就加價進行有限度服務；想在今日掃平貨，搵個開門紅？都唔係冇辦法，不過只限熱愛玩具的模型友。

話說深水埗歷史最悠久玩具舖之一－－福利模型（35年），近10年開始，初一至初二都會有限度開門營業，當中最令玩具迷樂道者，是將日本過年期間的「福袋」文化，帶入香港。


店內大部分貨品都是模型，香港這類純走模型路線的店舖，香港已經越來越少。


據知去年部分福袋中有送「金剪」，今年會否升級送「God Hand」（$330）？這一點大家要留意了。


每天福袋的數量大概在50個左右，初一至初二大概中午12點，門外就開始出現人龍。

據知今年初一與初二，佢哋都會在下午2時09分至下午5時開門營業，預計今年福袋的價格，大概在$500樓下，袋中寶物以模型居多；據去年買了福袋的人表示，有少量袋中竟然藏着一把「模型金剪」，須知這是一把市值二百餘元的模型剪，真係中者都抵得大半個福袋的價錢。

不過福袋這回事，當然亦存在一定風險！雖然店方表示，袋內模型產品價格，一定會高於大家所付出的價錢；不過會唔會該產品早已買了，或是中了一些不大喜歡的模型，這類問題當然亦要考慮。

不過點都好，新年利是錢買玩具，都係不少上年紀人士的童年回憶；如果行開深水埗，在再看不見「桂林（街）夜市」情況下，想找回一點童年回憶，我覺得就算行去趁熱鬥，都不失為一個新年行街小節目。

查詢：福利模型（深水埗元洲街66A地下）

記者、攝影：朱崇德

2017果籽繼續認真知味。識買惜用。行以求知。好事多為。重修舊好。
緊貼果籽報道，即like：http://fb.me/AS.AppleDaily

source : http://hk.apple.nextmedia.com/
+++++++++++++++++++++++++++++++++++++++++++++++++++++++++++++++++
咁好玩