事源:http://hkgalden.com/view/357487/highlight/8009
自上年7月以嚟,今日新嘅一年啱啱開始,就畀我重遇返佢

頭先聽到膠袋聲,以為隔離屋又開始整嘢無理 但啲聲持續咗好耐...聽真啲?!
原來係由我個垃圾桶傳出 即刻嚇醒我

平時我唔會響間房食嘢,定期清潔,成屋鎖好門窗,
所以住十幾年咁耐都係見過兩,三次,有都係隔離屋入,佢地好撚污糟架
所以我好肯定就係上次嗰隻

講返正題,當我諗住成個垃圾桶揪起嗰陣,隻仆街居然走咗入桶底
天賜良機 之後我係咁鋤個垃圾桶,見到隻嘢甩出嚟仲識郁
仲爬咗幾爬 猶疑咗陣,然後我再用十幾張紙巾用力質死佢
啲觸感都仲好似掐緊脆皮流心餡咁,好核突
無時間影相,同質死咗之後我睇都唔敢睇掉咗,太核突
之後用滴露消毒好晒,再沖埋涼就搞掂

講真,新一年開始就畀我解決咗件事,唔洗再同甲由瞓,心情都爽啲
我知你班仆街想講乜架,cheak過晒無竇呀,甲由仔,紅豆蛋都搵唔到
重申一次,九成係隔離屋入,佢地真係好撚污糟,搞到我成日要向大門噴殺蟲水