長洲係香港出名的渡假勝地，亦係唔少香港人同旅客喜愛嘅離島，亦有人因為鍾意呢個地方而搬入去住。不過，最近就有業主遇上一對租霸，唔止欠租，佢哋仲搞到通屋都係狗糞便。


「一個多星期前，情況非常嚴重，好惡臭。」長洲東堤小築一單位業主楊小姐說。


大概三個月前，楊小姐收到這一對小情侶的電話話想租佢個單位，「最初他們只帶了兩隻狗上來。」好似好鍾意貓狗嘅呢對小情侶大概個半月前開始，貓狗數量越來越多，「我最後見到他們有兩隻唐狗、一隻金毛、一隻貴婦、一隻比高、一隻貓和一隻倉鼠。」


直到早前，因為不停有鄰居投訴佢哋啲貓狗到處大小便，仲傳出惡臭，「我們找了警方，報了警，之後上來開門就發覺入面非常凌亂。很多雜物及垃圾，還有狗的大小便，整間屋充滿臭味。」


由於貓狗已被嗰對情侶流放出街，楊小姐同朋友至今只搵返四隻狗，搵到佢哋嗰陣，狗狗嘅情況仲好差添，「好肚餓，身體發出異味，好瘦。」完全冇責任心嘅小情侶一走了之，雖然仲未搵到佢哋，不過楊小姐就話唔打算追究，依家淨係想好好照顧狗狗，「有隻狗身上有損傷，另一隻金毛的腳出現問題，我們會帶牠們到獸醫檢查是人為還是本身它們是這樣。如果是人為，我們會找警方看看算不算是虐畜。」

http://hk.apple.nextmedia.com/nextplus/寵物/article/20170129/2_473483_0/-寵物情侶租霸-長洲租屋狂養貓狗-搞到通屋屎失蹤