話說呢隻Game之前都有留意下,覺得風格同題材同玩法都好得意
難得等到佢今日係steam半價賣11蚊就即刻入左手
呢隻GAME玩法好簡單,只要不斷係人生決擇中二選一就可以
而背景故事都好簡單,你係一個王朝嘅國王
而呢個王朝受到咀咒,就係每一任國王都會有歷任國王嘅記憶
而你就係扮演一代又一代嘅國王,你死完就會即刻變做下一任國王繼續管理國家
就算你係比人篡位,你都要繼續扮演果個殺左你嘅篡位國王
而你每個選擇都會影響4項國家因素
宗教,人民,軍隊同錢,會令佢地有起伏
如果其中一項歸0你就會輸,反之太多都係會輸
就好似EU4咁,要平衡各方勢力先係上上之策
不過呢隻GAME都係以歡樂為主,可以休閒玩,可以認真玩好
睇下自己最多可以在位幾多年

好!唔好講咁多!我先分享一下我岩岩玩完嘅一生啦!

由871年開始即位,呢條友係我(上一任國王個私生子黎)
之後殺撚左我搶左我個王位,而家要控佢其實心情幾矛盾

大家見到最上有4條BAR就係4個國家因素
有哥布林黎,我可以揀軍隊定呢個啊婆去搞掂佢
我就比呢個啊婆去搞咁就可以升個人民值

之後呢個小丑係我嘅娛樂大臣
佢叫我去見個唔知乜水,咁我答應啦

之後就有個探險家出黎話想去探險叫我支助佢
咁大家見到右下角有三項任務,其中一項係要發現新大陸
所以還定我錢又有D咪支助下佢囉

之後無啦啦有個賓妹公主話要同我互相了解
咁就更係點頭啦

之後教皇又話要收錢
咁又唔係話冇錢,照比啦

之後有個商家佬話幫我賺錢
咁而家D錢又開始唔見洗咪答應佢囉

之後錢就真係有啦,仲不斷升,不過隨時會比人打柒

之後又係呢條友,咁而家錢就唔怕冇,豪比狗咁豪啦

之後個商家佬又黎搵我啦,睇佢又搞乜春

原來係想我打仗黎保住利益,咁大家都見到最上第二條人民BAR就爆
爆左就輸,所以我就將計就計開戰黎減人口,又可以保住利益

人口係咁跌

之後我D大臣就同我講有條友成日鳩UP
D人又當佢先知,咁我驚佢妖言惑眾咪叫人睇實佢