英超著名球證卡頓保（Mark Clattenburg）突然宣佈離開英超，接受沙特阿拉伯足總委任，在當地出任首席球證一職，合約為期1年。

卡頓保因對職業賽事球證有限公司（PGMOL）的高層，以及公司的營運手法感到不滿，已去信請辭，有傳將會轉到中超發展，亦有傳他將會投身美職聯。

星期四卡頓保宣佈離開英超，但並非轉戰中超，而是接受了沙特阿拉伯足總的邀請，到當地出任首席球證一職，合約為期1年。

英國傳媒估計，他將會在英超下輪比賽展開前離職。卡頓保由25歲開始吹英冠，四年後就升職吹英超。去年的歐聯、歐國盃與及英格蘭足總盃決賽，均是由佢負責鳴笛。

上星期六阿仙奴贏侯城2:0場波，就係卡頓保喺英超嘅告別作。當然佢都試過唔少蝦碌同爭議嘢嘢，令好多球迷記得佢。

四年前吹雷丁對利物浦，半場竟然唔記得帶紅、黃牌同埋記事簿，搞到下半場幾乎冇牌用，要第4裁判攞後備紅、黃牌俾佢。

另外，五年前車路士對曼聯，被指種族歧視車仔中場約翰米基爾，但後尾證明佢係無辜。