七警罪成，各被判入獄2年，不准緩刑。香港政研會今日發起撐警有效執法大遊行，現場有約千人參與，包括多個親建制組織。港大校委會成員盧寵茂及藝人顧紀筠亦有到場撐警。

香港政研會主席鄧德成指，近日是香港最傷感、法治最黑暗日子，七警被判史無前例2年，批評司法摧毀警隊士氣。有人扮演法官，遭多人作勢毆打。(新聞連結: http://bit.ly/2lvlmrX )
顧紀筠晚上以短訊回覆《蘋果》表示：「我們在香港成長，香港係一個法治的社會，令我們感到安全。但今次七警案的判決，令我感到痛心，失望！法治彰顯，卻痛失公義！所以要表達我的感受。」

http://hk.apple.nextmedia.com/enews/realtime/20170218/56323137


【麥明詩遭辱罵】孫慧雪戴頭盔「求討論」七警 網民勸收聲

2011年入讀英國劍橋大學法律系、以法律學學士學位二級榮譽畢業的麥明詩，昨晚在fb share了七警判刑之報道，寫道：「點解打人後要坐監係不公義嘅？#真心唔明 #一個人嘅說話唔代表所有警察 #無論邊個打邊個都應負刑責 #法治」

其後麥明詩再補充謂：「Btw．to 嗰啲話因爲有壓力/受到侮辱/俾人打所以判刑過重，有報道引述『法官以2年6個月作量判起點，考慮被告長時間服務社會、初犯、佔中時承受壓力，而警員勢將被警隊解僱，及失去退休金等，故減刑6個月至2年』。」



理性討論，但有網民出言不遜：「關你＿事咩？!死臭＿!!」
有家教的麥明詩回覆：「香港嘅事，當然關我作為香港人事。」



其實麥明詩出得呢個post，所謂正反留言一早都預咗。另一藝人孫慧雪，平時鮮有在社交網講時事，昨日突然於fb寫道:「大家對七警案判決有何睇法？」一個無take side嘅status，夠小心了吧？



孫慧雪寫道:「我自己就覺得，先唔追究邊個對錯，只係睇到一個社會，警員同市民形成對立局面，對香港來講，真係唔係一件好事，事件繼續升溫，對香港嘅未來真係好擔心！」好一句「先唔追究邊個對錯」，表面上冇take side但頭盔一早戴定。



有人問雪雪：「咁危險嘅topic你都玩，小心。」
危險？香港有言論自由0架嘛！
雪雪回應：「身為香港人，真係想知道大家睇法！」同麥明詩又幾似。但麥明詩有立場，雪雪戴咗好大個頭盔。而且，雪雪個Post嘅留言，氣氛同氣溫都同麥明詩嗰邊好唔同！竟然係十個有七個叫佢收聲。



網民留言如下：
「呢個post證明，你嘅fans都係錫住你。唔好再表態，等個post慢慢out。」
「或者分享多啲自己陀B時嘅經歷啦！」
「大家有自己立場睇法唔緊要，可以聽意見，自己分析，唔好阿頭叫A就A，叫B你就跟B。」
「保持政治中立，唔好講呢啲。快啲刪咗個post。」



對於fans紛紛勸雪雪「收聲」/刪po，有路人就謂：
「之前群星出嚟遊行個啲時光呢？係咪真係無大陸冇飯食？其實諗深一層係惡性循環，香港明星不嬲吃香，何必自甘墮落？」
「藝人都係普通市民，點解唔可以有個人意見？其他市民都有上司，都有老闆，若果一個老闆以下屬政治立場嚟定員工好唔好，呢個老闆公正及智慧都有限，就算唔係呢件事，都有其他白黐事嚟郁你。」

「正正好多人都係因為呢句『飯碗緊要』而造就助長歪風，當社會發生不公義而仍然沉默不作聲，難保下次此等不公義會發生在你附近！」
都有人留言俾雪雪，話要unfollow佢。該網民稱:「鎖起個人圍毆完可以先唔追究對錯？咩理論？ 無事無幹無啦啦會形成對立局面？ 你呢幾年移咗民冇睇新聞？係咪應該判無罪？」之後再留言:「跟進完呢個post會unfollow你，對阿雪你好失望呀！」雪雪即回覆:「唔好咁激動，大家都係著緊香港啫！你誤會咗我意思！」


又有人話：「藝人最好唔好為政治議題表態，因為飯碗緊要……」雪雪小心地謂：「多謝你哋關心呀！但我覺得呢度係一個大家庭，而且大部分係香港人，想了解下大家對今次事件睇法！」


其實都係呢位高人此句最中肯:「唔追究對錯咁審嚟做乜？政治中立無問題，不過最好唔好提。你快啲del post啦無謂等陣又要召喚關公。」

http://hk.apple.nextmedia.com/enews/realtime/20170218/56322038