http://video.appledaily.com.hk/mcp/encode/2017/02/19/3280987/20170220_Vvvsub793new_clean_w.mp4


特首候選人近期鍾意坐乜車，你又知唔知呢？

特首選戰正式開跑，四位爭入閘票搞到爭崩頭！如果坐住架車靚啲快啲，會唔會着數啲？當然唔會啦！不過大家又有冇留意幾位特首候選人鍾意坐乜車呢？林鄭月娥的競選辦回覆是：「我們用的是普通七人車。」林太除了被人影過自己揸住部Mazda8出入，近期出席活動都是坐住部日產Elgrand，車價四十多萬元，一啲都唔普通啦。至於曾俊華坐車見報率最高的，當然是他那部紅色凌志財爺公務車，不過最近同樣坐住部Elgrand出出入入。Elgrand夠貴氣又大方得體，是高級商務車的熱選，兩位以前貴為司長坐開政府官車，選車品味都差不多，之但係鬍鬚曾坐的是今代新款，而林太就慳家少少，坐的是上一代。

至於葉太的競選辦更有趣，起初回覆葉太好忙唔得閒覆。坐乜車都要葉太親自覆？最後他們知道其他候選人已答，先至答是白色七人車Alphard。不過翻查影片後發現，她那部是Vellfire，其實好多香港人都搞錯，我明嘅。Vellfire車價要成五六十萬，雖然她那部是上一代，但論身價同受歡迎程度一定贏Elgrand，葉太，你贏，放心。不過點解近期咁少見葉太揸佢部綠色保時捷出來拉票，揸了十幾年都唔捨得賣咁長情，可能有分加呢。四位大熱人馬當中，三位都是追捧港人至愛的七人車，覆得最快最爽的胡官競選辦就有啲唔同，胡官鍾意豐田Prius。他們更聲稱胡官四年前已經開始揸，愛它夠慳油夠環保夠簡樸。Prius又的確幾襯胡官唔造作夠貼地的實務形象。只可惜早排被撞，現在維修中，幸好胡官向來有搭地鐵、巴士、的士等公共交通工具，早前更拍了一條片暗寸對手唔識搭地鐵。

其實在「2017年行政長官選舉中央平台」網頁中，有共11位候選人，其中簡惠芬未有回覆，而長毛梁國雄、王耀萱及梁思豪都回覆自己最常搭地鐵，其餘三位就未能聯絡。幾位識唔識入地鐵閘都好啦，禮賓府門口那道閘就肯定好難入喇。

記者：許維雅

2017果籽繼續認真知味。識買惜用。行以求知。好事多為。重修舊好。
緊貼果籽報道，即like：http://fb.me/AS.AppleDaily


胡官是豐田Prius車主，喜歡夠簡樸，可惜早前被撞。


豐田Prius新車價約三十萬，不過胡官所用的是上一代。


林太近期出入都坐日產Elgrand，不過是上一代款。


曾叔叔都是坐白色Elgrand，但他那部是今代新款。


日產Elgrand新車價約四十萬。


葉太坐的是上一代豐田Vellfire，唔係Elgrand囉。


最多人談論的葉太座駕，就是當年她用來買餸的綠色保時捷。


source : http://hk.apple.nextmedia.com/
+++++++++++++++++++++++++++++++++++++++++++++++++++++++++++++++++
胡官咪冇司機