http://video.appledaily.com.hk/mcp/encode/2017/02/19/3280983/20170220_Vvvsub791_clean_w.mp4


Albert離開服務24年的英軍後，加入科大工作，今年將會退休。

回歸以後，華人部隊解散之時，英方早已為軍人準備好後路。「當時有個resettlement centre（再就業中心），入面有唔同課程，任何軍人都可以參加。有人選擇退休，亦有人攞住軍隊筆遣散費，自己出去搞生意。」1997年3月31日，服役24年的Albert以上尉身份退役，隨即加入科技大學任校園設施管理處任職首席技術員，工作廿年至今年退休。

有傳做過華籍英兵，便可以入籍英國，但事實並非如此，「我係有英國籍嘅，唔係個個都攞到，大概17%至18%人有。因為當時入籍係計分制，你要達標先可以入籍，要睇你教育程度、同英國嘅聯繫、最後軍階、服役期等等。」Albert也不諱言有此打算，「1996年全家去英國攞MBE（大英帝國員佐勳章），好深入咁睇過啲讀書環境，又問過移咗民嘅同袍有冇歧視等等，但最後因為有科大份工，又有宿舍等等福利，所以就冇移民。」

負責管理校園設施　奉行learn to trust
轉職科大，都是件有趣的緣份。當年他在昂船洲軍營接待訪客，「啲人覺得軍隊好神秘，所以周末經常都有唔同visit。」科大的行政副校長、校產設施管理處處長同副處長等等都是訪客之一，「原來我喺軍隊最後嘅工作表現都畀佢哋睇到晒！」就在Albert快將離開軍隊之際，科大便主動接洽他，問他有否興趣到科大工作，「我放咗兩個禮拜假就返工喇。」
Albert在校園設施管理處任職首席技術員，負責管車、裝備供給、管理清潔員工及搬運事宜等等，有不少下屬跟隨。談到現時工作，他越談越起勁，「我做嘢係要好清晰咁講晒每一樣要求、細則，要同事明白個要求、知道點樣做。我覺得咁樣做事會事半功倍。」除向下屬傳達清晰指令外，Albert亦繼續奉行軍隊「learn to trust」的原則，「倉係我其中一樣要管嘅嘢，啲人同我借嘢，我覺得填表等等都係繁文縟節，所以好多人喺個電話度向我借嘢，我都話『冇問題，你嚟攞，總之交收程序、手續清楚就得喇。』」在學校，Ablert參加了潛水班，發現科大附近海底有大量垃圾，於1999年起發起清潔海底行動，至2014年科大碼頭動工。當時朱經武校長都有份參與，我哋仲由佢完全唔識潛水，教到佢識潛水！」

軍備再亮相　珍貴配劍切蛋糕
在科大工作，想不到Albert的配劍還有出場的機會。當年威劍臣劍廠（Wilkinson Sword）曾為士兵鑄造刻名配劍，但並非人人可有。當年軍醫Marcus請Albert「補鐘」，為「雪藏」廿年的車牌解凍，並訂了一把配劍作「補鐘」謝禮，「成萬幾蚊一把，好貴喎！又話大家一齊共事咁多年，總之就要我收咗佢！」Albert對配劍珍而重之，把劍一同帶到科大。以為得個擺字，怎料科大15年校慶，大家為個直徑1米的校慶蛋糕苦惱時，我就話：「唔使煩，我把劍直徑有1.1米，可以拎佢出嚟切蛋糕。」配劍亦得而重見天日，發揮另類用途。
Albert年屆65歲，將於今年退休，身為香港退伍軍人聯會主席，他將全力投入會務，同時不忘廿載科大情，「我會繼續同科大嘅同事保持聯繫，畢竟我喺度花咗20年，交咗好多好朋友，我日後都會經常返嚟做運動，見吓啲老友。」


科大15年校慶蛋糕的直徑達1米，用了Albert的珍貴配劍切開。


科大15周年校慶用上Albert的配劍切蛋糕。


Albert兒子（左）同為科大學生，父子二人曾一同潛水執垃圾。


Albert曾發起海底執垃圾義工活動，時任科大校長朱經武（右）亦曾參與。


Albert經常需要指導下屬工作。


Albert在科大負責管車、裝備供給、管理清潔員工及搬運事宜。


記者：李煒汯
攝影：許先煜（部份相片由受訪者提供）
編輯：梁浩維
美術：孔文彬


source : http://hk.apple.nextmedia.com/
+++++++++++++++++++++++++++++++++++++++++++++++++++++++++++++++++
華籍英兵係咪有居英權