推

hi

推

推po

推

推

推

推完要繼續講故事先得架

完結篇

收到通知 有得讀mphi
舊年八月同老闆娘辭工
成間鋪頭唔夠人 梗係唔想我走
她猛咁問我做咩辭職

我同佢講 我要去讀書
「吓！你而家咪讀緊書，仲讀...」
我同佢講話返大陸讀
「吓！返大陸讀書！阿鐵，你在香港讀都讀唔掂，仲返大陸讀，大陸讀書仲難呀」
我同佢講 等我試吓
「唉！阿鐵唔係一定要讀書，你前前後後 係呢度做咗三年，就讀咗三年，咪再讀，比心機做嘢啦。你唔好做兼職啦，轉做長工吧啦！」

不過 我都係同佢講 我做到九月中就走
叫佢請定人
老闆 老闆娘無嚟煩我
但係叫其他阿姐 久唔久走嚟叫我唔好走
唔理佢地囉

好彩有學長在同一所研究院
問佢攞定資料 事先準備寄宿行理

不經不覺 到最後一日返工
一陣放工番大學 跟教授辭行
有三個教授寫推薦信比我
點都要同他們講聲再見

成個月老闆 老闆娘貼紙請人
一直無人嚟見工
四個大字，關人鬼事
做完嘢等出糧
朝早返到舖頭 見到個後生仔
老細即刻叫我
「阿鐵，呢個叫阿鋼，你教佢做嘢」
唔係馬！我最後一日返工
點教呀
老細又同阿鋼講
「阿鋼，你跟阿鐵做嘢」
癡線㗎

我惟有同阿鋼講
我今日最後一日返工
我照平時咁做嘢比你睇
你盡量記 唔知就問老闆
老闆做嘢一時一樣，勁難捉摸
問教琴阿姐好d
教琴阿姐好無奈咁望住我地
我好似平時咁木木獨獨做嘢
嗰個阿鋼木木獨獨咁睇我做嘢

好在他話頭醒尾
見我做過芒碎 ❨芒果碎蛋三文治❩
跟住又嚟芒果碎
他識自動自覺開雪櫃攞芒果
一路做一路講 講得幾多得幾多

好喇！夠鐘收工
打咭行人 個個阿姐同我byebye
叫我比心機讀書 勤力d

接住返學校搵教授
返完工一身臭汗
去gym 房沖涼
❨之前唔識去gymroom 走去殘厠❩
沖完涼 換好衫 出gymroom
噢！ 見到阿鋼
阿鋼：「無呀！做兼職還卡數。」

就咁 我做廚工的一章 告一段落

或者有一日 我在茶樓商埸 撞到老闆老闆娘
老闆娘係度揀衫揀鞋揀手袋
我望到老細點點頭
老細望到我戚戚眼眉
大家又消失在人海中

竟然真係有新REPLY
竟然真係有個尾