頭先燈神蕭若元開咪時，又點咗另一個名……就係葉劉淑儀。
「早幾日我一路睇緊，葉劉個勢係一路上緊。即係有啲人有啲嘢係好明顯，吳康民轉軚呀你見唔見到？呢一排一定有個人出嚟選，代表強硬路線，代表公務員。」
「同埋中聯辦一發覺梁被棄選，佢立即就諗到葉劉，早一輪仲話搵葉劉做立法會主席，嗰陣時佢哋都未肯定，嗰陣時葉劉威脅緊梁振英呀嘛!依家調轉頭，佢覺得梁振英冇得撈喇，得兩個人揀嘅啫，一係林鄭，一係葉劉可以有機會出嚟選嘅，但林鄭民望跌得好犀利，不過葉劉都x家剷緊0架喇。」
燒山力谷葉劉，仲話佢有個假面目，「佢吸收到一班中產人士，新民黨有傳統左派冇嘅票，有一班專業人士嘅票，佢嘅勝算係大啲。喺呢兩個選擇裡面佢揀咗葉劉，所以林鄭之前出來個樣咁失望。」、「本來林鄭排第二，依家葉劉爬佢頭!哈哈!」
燒山仲話，中聯辦叫曾俊華唔好報名住，「我哋搞掂咗梁振英先」、「依家曾俊華對葉劉局面就好清楚」。
最後燒山話:「你聽番我過去半年講梁振英連任嘅分析，我要講，喺七八個月前，我睇到梁振英有可能唔入閘，呢個賠率係1:99，呢個當時係冇人信。其實係最後一念俾唔俾佢連任者嘅啫!其實佢入閘都選唔到，因為中央覺得喺咁嘅情況下係無法子控制到601票，(選委會)泛民多咗59票，好危險!」
燒山點名葉劉淑儀，幾個月後會變成點？
http://hk.apple.nextmedia.com/enews/realtime/20161209/56025839
燒山好野，多謝燒山