爛鞋黨元朗出沒？網上昨日熱傳一條短片，片中一名師奶捉着一名男子的外套，指他在離開食肆推門時，玻璃門刮到她的波鞋，於是不准他離去要求賠償。與男子同行的女子不滿師奶所為，拿出手耭拍低經過，更指該師奶的波鞋本身已經破爛，懷疑她另有目的。

短片於元朗廣場外的民合徑拍攝，只見一名師奶一手拿着快餐店外賣，一手捉着一名男子的外套，師奶操不純正廣東話，指男子推門時將其簇新的波鞋刮爛，拍片女子則指其波鞋並無損毀，又質疑她穿的是盜版，師奶展示其波鞋的損爛情況，被拍片者譏諷：「慘過撞車黨，揩下佢就話人整爛佢啲嘢。」

由於拍片女子及男子懷疑她的波鞋事前是否完整無缺，對方則要求二人報警。直至片段完結，仍未知結局如何。事後東網記者聯絡到拍片女子，她稱該名師奶要她及其友人道歉。拍片女子在網上補充，指警員到場後認為是普通糾紛，勸雙方和解，拍片者及其男友人因要趕着到獸醫處接回寵物，並無追究事件，而該名師奶不願和解，但因她拒絕到警局，最後警員收隊離去。

網友睇片後，指波鞋不會一碰即爛，加上該師奶一直扯着別人衣服不放，是想呃人賠錢。也有
網友分析事件，有人指若是騙徒相信不會叫人報警，「內地到港街頭騙徒，九成九聽到報警都會怕被警察抄低證件資料，下次再有同類案件報警時，警方就會有資料跟進，拘捕機會大增，唔會咁笨啩？」亦有網友指被刮爛波鞋要求肇事者賠償是正常要求，反質疑拍片者是網上欺凌：「一個弱勢女人可以做咩？講句係網上欺凌都唔過份！」

http://hk.on.cc/hk/bkn/cnt/news/20170317/bkn-20170317180726017-0317_00822_001.html


原文



?大家認清楚佢個樣
儘在元朗已經有人喺留言裏面講咗呢條友唔係第一次周街叫人賠錢
今日早上我食完早餐準備去診所接我隻貓出院,竟然俾我遇到呢啲呃錢黨，
大家認住呢個女人，
我係m記食完早餐離開麥當勞時，
我用左邊手推門離開，
呢個女人係右邊走，我朋友行後，我同呢條女人2邊門，
我推門時佢突然停低，
就輕輕撞到佢一下，
我曄左一聲因為佢突然停，唔知佢突然間好大力捉住我隻手話我整爛佢隻鞋，我整開佢手後，我朋友出於風度當然會檔開，以免佢再上前，跟住佢就一直拉住我朋友，
足足拉左半個鐘頭以上，
不停話我整爛佢對鞋話佢對鞋新買價值＄700，
其實一眼就知道唔係正版Nike啦，我話佢佢就發爛，
我拍video，佢話報警，
點知999都唔知幾號，話自己係來旅遊！
唔知幾號重問我咩街，佢打左去報警，
當時依然捉住我朋友件衫，
我話佢整爛我朋友件衫佢仲叫我朋友除衫俾去睇！我係咪應該叫佢除隻鞋俾我睇？
佢報完警啲差人勁來都冇來，
又話點都唔比我地走，要我賠返對鞋比佢囉，是我急着接我隻貓出院，
所以我報警，其實我係揩到佢後面一下，
但係佢對鞋係前面穿窿，
好明顯就係內地握企黨，
跟住等左好耐啲差人終於來，
差人黎到拉開佢去第二邊，
跟着基本問話幾句，
跟住嗰個差人話呢我哋都知道佢係咩人黎架啦，
我話佢開頭係要我比＄700去，
跟住林尾差人黎到就改口風話要我道歉，
話我咩話佢係大陸雞，我除咗話果一句臭閪我就冇話過去，
大佬阻住我接我隻貓出院跟住又捉住我朋友屈錢，
跟住佢仲死拉住啲差人又哭又成話隻鞋難左，當時啲街坊都睇唔過眼出聲，
最後差人都話當普通豆分但係唔和解咁着件事就咁算，
如果我唔係趕住接我隻貓呢我真係會追究去做乜嘢敲詐我！
有位街坊同我講話原來果到附近真係成日有啲咁樣嘅人咁樣做大家要小心，佢同撞車黨有咩分別？

影片
https://www.facebook.com/groups/224334764708589/permalink/224580918017307/

https://www.facebook.com/WoYuenLong/