估唔到工業革命二百年, 仲有人話機械令人失業.
係的話, 依家應該九成幾人失業.

如果科技令人失業, 咁喺科技最密集地區應該失業率最高?

現實係相反, 非洲最落後地區, 盲字唔識一隻就九成失業
科技發達國家, 美國, 德國, 瑞士, 北歐, 日本, 講來講去都唔係多人真正失業


機械/ 機械人/ AI 取代人手, 人類做乜嘢?

咪就係去設計機械人同 AI

同 internet 一樣, 始終冇 100% 取代實體店、貴價拍賣會, 而 internet 開發與應用本身又需要人手

有水磨坊再有電力, 已經冇需要養牲口去磨穀, 但可以騰出人手去種多兩幅田或改養乳牛

有機動化農具仲係要人製造、操作、維修, Caterpillar 及機械相關行業 (採礦冶煉石油) 請好多人, 糧價下跌又令人均消耗量稍為增加, 亦冇消滅精細耕種 (有機、水耕、其他植物等)

機械人都需要機械維修員、QC等等, 亦不能取代手工藝 (handmade, tailor-made, arts), 出廠後流程 (服務業) 應該同依家冇乜大分別


所以, 玩完嘅只係中国、東南亞廉價生產基地

的確, 設計及生產工業機械人, 需要嘅人手唔多, 而且門檻好高.
真係 work smart, 唔係 work hard (咦, 咁熟嘅)

做唔成科技設計師, 可以做服務業, 只係工業、農業聘用人口比重大減.
使用機械人與否, 係由價格驅使, 唔係主觀意願 -- 呢一點中共始終都唔明, 一手造成產能過剩.
政府非但唔能夠解決問題, [#ff0310]長官意志、官僚架構本身就係一切問題之源[/#ff0310].


機械人/ AI 設計師等高收入職位, 將來只需要將收入一小部份用於購買以往一直使用嘅實物貨品;
餘額大概會用嚟買遊艇 (奢侈品), 聽歌劇 (服務業), 又衍生出相關工作崗位

總計之下, 貨品及服務嘅種類與數額會增加


最後一環係貨幣供應, 只需要令總消費金額唔下跌, 係唔會有大量失業, 只係職業嘅轉變

現時各國貨幣政策都冇充分針對[#ff0310]總消費額 (不是固定物價)[/#ff0310], 反而係被所謂投資市場、資產價格騎劫. 總消費額下跌, 應該印銀紙, 全民派錢.


Age of Intelligence

既然係智力 -- 唔係知識 -- 主宰一切, 咁控制生育權嘅人, 喺先進地區係女人, 應該勾佬勾個叻D嘅, 生個仔叻D.

基因唔止係起跑線, 直情係獨立賽道, 唔同嘅物種, 咁上下.
你可以話愛因斯坦老竇都唔係科學家, 科學家後裔亦唔一定成材 ...... 但整體智力都偏高.

除非你認為世上完全冇遺傳, 否則要揀一個最有用嘅優勢, 必然係智力, 唔係體力
四肢發達冇乜用, 最好就係做到運動員, 但成功率太低, 好難幾代都做到全職運動員 -- 蠢嘅運動員終究亦係老粗, 好似 Mike Tyson

現時女人可以借種. 科技再先進少少就完全唔駛煩, 女人直接複製自己, 淨係替換智力、遺傳病相關基因, 係允許進步嘅自我繁殖、永生, 幾乎係完美嘅繁殖方法.

用兩組人, 每組一千, 一組係全世界最叻, 另一組係平庸、肯定唔算叻, 比對下大腦相關基因, 有冇顯著嘅群組特徵. 仲有長壽、衰老、癌症等等.

我懷疑喺大腦嘅外在差異之外 (整體大小之類), 更重要係部份位置是否發達、活躍度是否不同.


可唔可以將一個人嘅思想編寫成 AI?

思考模式或者得, 但人仲有經驗、記憶、觀念, 係幾十年所見所聞及親身感受加埋而成, 而且幾十年前嘅想法又可能與現時唔同, 冇乜可能複製出一個現有嘅人嘅全盤思想.

即使唔能夠複製已有嘅人, 如果 AI 可以模擬一個好成功或好聰明嘅人嘅思路, 有幾千幾萬個咁嘅 AI, 互相交流就足以超越人類, 尤其係 AI 有齊一切資訊、運算極快, 而並無人事鬥爭、短淺嘅利益考慮 (但唔需要扼殺獨立個性, 唔應該迫 AI 奉行集體主義或所謂「民主」).

聰明人做善事最容易亦最有建樹, 就係[#ff0310]捐出 DNA (以至精卵), 並讓 AI 複製其思考模式, 從源頭改善世界[/#ff0310], 而唔係去到末端, 你已經搵夠錢, 再捐錢養大量非洲飢民.


講到更遠, 民主其實係荒謬.

大部份蠢人, 可唔可以選出最叻嘅人?
蠢人憑咩去判斷邊個人較有治國才能?

電視辯論, 真係好笑, 到底家庭觀眾叻定係候選人叻?
最後只係選到口齒便給之人.

唔駛理對錯, 投票只建基於對我一人有冇利益, 咁嘅民主就係 51% 搶劫 49%.
[#ff0310]民主必然導致共產, 只在步伐快慢. [/#ff0310]

稍為可靠係往績. 但係美國依家都唔選 governors 或政治世家.

Donald Trump 仲認為要挽留工廠、請好多工人, 咁佢會唔會禁止使用機械人? 駛唔駛返去人手鑄鐵釘?
破壞經濟去成全就業, 咁不如政府請晒佢地掃街, 條街仲乾淨D.