今日有報道影到盛品儒同吳浩康前女友Hazel夜蒲，更指男方摸胸，盛品儒否認。(蘋果日報)


[#FF0000]「我問過朋友咩叫花弗，如果係指高層、後生同靚仔，我承認。」[/#FF0000]

亞視執行董事盛品儒呢排緋聞勁旺，成日被影夜蒲同攬女，最近盛品儒就俾雜誌影到佢同吳浩康前o靚模女友Hazel(唐紫睿)夜蒲。報道仲話佢哋攬攬錫錫，盛生仲疑似向對方摸胸。

今日盛品儒喺上環出席亞視活動時，佢強調只係角度問題，又話啲相好濛，總之同事實不符。

問盛品儒怕唔怕被指花弗？佢即話：「我問過朋友咩叫花弗，如果係指高層、後生同靚仔，我承認。」嘩，曲線讚埋自己，勁！

另外，講到有指亞視遭旅遊車有限公司入稟，申請將亞視清盤，盛生話未收到法庭文件不評論，強調亞視財政同營運都正常。

http://hk.apple.nextmedia.com/enews/realtime/20130619/51492102